حال ہی میں پاکستانی اسکرین رائٹرو ڈائریکٹر خلیل الرحمان قمر نے ایک نجی ٹی وی چینل کے شو میں شرکت کی جہاں انہوں نے سارہ لورین کو کھری کھری سنادی۔
شو میں گفتگو کے دوران جب سارہ لورین نے اپنے کیرئیر کی کامیابی کا سہرا بھارتی بھٹ فیملی کو دیا اور ان کی تعریف کی تو خلیل الرحمان کو یہ بات پسند نہیں آئی اور انہوں نے ان کو خوب باتیں سنائیں، یہاں تک کہہ دیا کہ سارہ کو شرم آنی چاہیے۔
خلیل الرحمان قمر نے کہا کہ کسی پاکستانی اداکار کا کیرئیر بھارت سے شروع نہیں ہوسکتا، بہت سے پاکستانی اداکار بھارت میں اپنا کیرئیر بنانے گئے، مجھے ان کا کیرئیر دکھائیں، آپ کو اس پر شرم آنی چاہیے۔
انہوں نے کہا کہ مجھے بھی بھارت سے آفرز آئیں، میں نام نہیں لے رہا کیونکہ میں ایسا شخص نہیں ہوں لیکن مجھے کرن جوہر کے علاوہ سب نے آفر کی۔
رائٹرو ڈائریکٹر خلیل الرحمان قمر نے کہا کہ میں اس وقت تک وہاں کام نہیں کروں گا جب تک کہ میرے ملک کی وجہ سے میری عزت نہ کی جائے۔
انہوں نے کہا کہ پاکستانی فلم انڈسٹری کو بالی ووڈ پر انحصار نہیں کرنا چاہیے اور بطور انڈسٹری کامیاب ہونے کے لیے شروع سے شروعات کرنی چاہیے، ہمیں اپنی فنانسنگ، سینما اور فلم پروڈکشن کی حکمت عملی تبدیل کرنے کی ضرورت ہے۔
اس سے قبل ڈرامہ نگار خلیل الرحمان نے آزادی کے نام پر نعرے لگانے والی عورتوں کو ملک و قوم کی تذلیل قرار دیدیا تھا۔
پاکستانی ڈرامہ نگار خلیل الرحمان نے بول نیوز کے پروگرام ’ایسے نہیں چلے گا‘ میں ڈاکٹر فضاء اکبر خان سے بات چیت کرتے ہوئے کہا تھا کہ آزادی کے نام پر نعرے لگانے والی عورتیں ملک و قوم کی تذلیل کا باعث ہیں۔
انہوں نے کہا تھا کہ ’میرا جسم میری مرضی‘ کے نعرے لگا کر عورت کس طرح کے حقوق مانگ رہی ہیں کہ یہ ملزمان کو پھانسی لگانے کے حق میں نہیں ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News