پاکستان کی معروف اداکارہ عائشہ عمر کا اداکار فیروز خان سے متعلق اہم بیان سامنے آگیا ہے۔

حال ہی میں اداکارہ عائشہ عمر نے اپنے ایک انٹرویو میں کہا کہ”جب محسن عباس حیدر پر ان کی اہلیہ نے گھریلو تشدد کا الزام عائد کیا تو مجھے محسن کے ساتھ ایک فلم میں کام کی آفر ہوئی، جو میں نے نرمی کے ساتھ ٹھکرا دی تھی‘۔

انہوں نے کہا کہ ’میرے خیال میں محسن ایک انتہائی باصلاحیت اداکار ہے اور ہم یہ چیز اس سے چھین نہیں سکتے‘۔

یہ بھی پڑھیں؛ اداکار فیروز خان کا اپنی سابقہ اہلیہ علیزے سلطان پر طنز

 اداکارہ کا کہنا تھا کہ ’فیروز خان بھی عمدہ اداکار ہے، بطور اداکارہ اس کے ساتھ کام کرنے میں مزہ آتا ہے، سیٹ پر وہ بہت معاون ہوتا ہے ‘۔

عائشہ عمر نے کہا کہ ’لوگ اکثر مجھ سے پوچھتے ہیں کہ میرا اس کے ساتھ کام کرنے کا تجربہ کیسا رہا؟ اور میں کہتی ہوں کہ انتہائی شاندار‘۔

واضح رہے کہ فیروز خان اور علیزے سلطان کا رشتہ رواں سال ستمبر میں طویل علیحدگی کے بعد طلاق پر ختم ہو گیا تھا، اس جوڑی کے 2 بچے بیٹا سلطان اور بیٹی فاطمہ ہیں۔

یہ بھی پڑھیں: اداکار فیروز خان کی سابق اہلیہ علیزا سلطان کو بڑی پیشکش

 فیروز خان کی جانب سے طلاق کے بعد بچوں کی حوالگی جبکہ علیزا کی جانب سے فیروز خان پر بچوں کا نان نفقہ دینے سے متعلق کیس عدالت میں زیرِ سماعت ہے۔

علیزے سلطان نے بچوں کے نان نفقے کے لیے 2 لاکھ روپے ماہانہ کی درخواست دائر کر رکھی ہے جبکہ فیروز خان کا اس پر کہنا ہے کہ وہ دونوں بچوں کے لیے ماہانہ صرف 40 ہزار روپے ہی ادا کر سکتے ہیں۔