اداکارہ میرا کا شوبز انڈسٹری سے متعلق شرمناک انکشاف

ویب ڈیسک

22nd Mar, 2023. 12:59 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اداکارہ میرا کا شوبز انڈسٹری سے متعلق شرمناک انکشاف

پاکستان کی معروف اداکارہ میرا نے شوبز انڈسٹری سے متعلق شرمناک انکشاف کیا ہے۔

حال ہی میں پاکستان کی معروف اداکارہ میرا نے اپنے انٹرویو میں کہا ہے کہ شوبز میں منافقت کی کوئی حد نہیں اور بعض لوگ تو ایوارڈ کے حقدار ہیں۔

انہوں نے کہا کہ لوگ منہ پرآپ کی تعریفوں کے پل باندھ دیتے ہیں اور بعد میں ایسی ایسی ناقابل بیان اور فضول باتیں پھیلائی جاتی ہیں جس کا تذکرہ لفظوں میں ممکن نہیں۔

اداکارہ میرا نے کہا کہ بدقسمتی سے ہم لوگ دوہرے معیار میں مبتلا ہوچکے ہیں ہمارے ظاہر اور باطن میں زمین اور آسمان کا فرق ہے۔

یہ بھی پڑھیں؛ اداکارہ میرا نے اپنی خوبصورتی کا راز بتا دیا

میرا نے کہا کہ مجھے جس کا کام اچھا لگتا ہے میں سامنے بھی تعریف کرتی ہوں اور بعد میں بھی اچھے الفاظ میں تعریف کرنے سے گریز نہیں کرتی۔

انہوں نے کہا کہ شوبز کی دنیا میں خاص طور پر خواتین اداکاراؤں میں حسد انتہا پر ہے کوئی بھی آپ کو کامیابی کی سیڑھیاں چڑھتے دیکھ کر خوش نہیں ہوتا ہمیشہ ٹانگیں کھینچنے کی کوشش کی جاتی ہے۔

اداکارہ میرا نے کہا کہ دوہرے معیار کی بجائے بلا خوف و خطر حق اور سچ کی بات کرنی چاہیے، میں نے ہمیشہ سچ بولنے کی کوشش کی ہے اور جو بات میرے دل میں ہوتی ہے وہی میں زبان پر لانے سے بھی کبھی نہیں ڈرتی۔