معروف پاکستانی ٹک ٹاکر جنت مرزا نے پی ٹی آئی سے متعلق تہلکہ خیز انکشاف کر دیا ہے۔

حال ہی میں چیئر مین پاکستان تحریک انصاف نے ٹک ٹاک پر اکاؤنٹ بنایا ہے جہاں انہیں مداحوں کی بڑی تعداد فالو کر رہی ہے۔

 اس وقت پاکستان میں سب سے زیادہ فالوور رکھنے والی ٹک ٹاکر جنت مرزا ہیں۔ چیئر مین پی ٹی آئی  کے فالوورز کی تعداد تیزی سے بڑھنے پر پی ٹی آئی کے حامیوں نے جنت مرزا کو وارننگ دینی شروع کر دی کہ گویا اب وہ نمبر دو پر جانے والی ہیں کیونکہ جلد چیئر مین پی ٹی آئی کے فالوورز ان سے زیادہ ہو جائیں گے۔

جنت مرزا نے انٹرویو کے دوران چیئر مین پی ٹی آئی کے مداحوں کو جواب دیتے ہوئے کہا کہ ہو سکتا ہے میرے اور عمران خان کے فالوورز ایک جتنے ہوں یا یہ بھی ہو سکتا ہے کہ میرے ان سے زیادہ ہوں۔

 جنت مرزا کے اس انٹرویو کے بعد چیئر مین پی ٹی آئی کے مداحوں نے اس جواب کو چیئر مین پی ٹی آئی کی توہین قرار دے دیا اور جنت مرزا کو کڑی تنقید کا نشانہ بنانا شروع کر دیا۔

بعدازاں جنت مرزا نے ایک اسٹوری پوسٹ کی جس میں انہوں نے کہا کہ انٹرویو کے دوران انہوں نے وہ بات ازراہ تفنن کہی تھی اور ان کا ہرگز یہ مقصد نہیں تھا کہ وہ چیئر مین پی ٹی آئی سے زیادہ مقبول ہیں اور ان کے فالوورز چیئر مین پی ٹی آئی سے زیادہ ہیں۔

جنت مرزا نے کہا کہ یہاں میرے تمام فالوورز جانتے ہیں کہ میں خود چیئر مین پی ٹی آئی کی حامی ہوں اور ہر مشکل وقت میں، جب چیئر مین پی ٹی آئی کو اپنے حامیوں کی ضرورت پڑی، میں ان کے حق میں کھڑی ہوئی ہوں۔

انہوں نے کہا کہ کئی مواقع ایسے آئے جب سوشل میڈیا پر سب لوگ خاموش ہو گئے اور صرف میں نے خوفزدہ ہوئے بغیر چیئر مین پی ٹی آئی کے حق میں پوسٹس کیں۔ مجھے لگتا ہے لوگوں کو بہانہ چاہیے ہوتا ہے کسی کی تضحیک کرنے یا کسی کو بدنام کرنے کا۔

ٹک ٹاکر نے کہا کہ جب ہر کوئی ڈر کر خاموش ہو گیا اور صرف میں چیئر مین پی ٹی آئی کے حق میں بول رہی تھی، تب ان کی ٹیم نے کئی بار مجھ سے رابطہ بھی کیا۔ انہوں نے چیئر مین پی ٹی آئی کے لیے آواز اٹھانے پر میرا اور میرے فالوورز کا شکریہ ادا کیا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں  https://bit.ly/3Tv8a3P اور بیل آئیکن پر کلک کریں