پاکستان کے معروف اداکار فیروز خان اپنے حالیہ بیان کی وجہ سے ایک بار پھر تنقید کی زد میں آگئے ہیں۔
حال ہی میں کراچی کی فیملی کورٹ شرقی کی جانب سے اداکار فیروز خان کو بچوں کی حوالگی کے کیس کی سماعت کے دوران بیٹے کی کسٹڈی 19 سے 24 جولائی تک مل گئی ہے۔
اس موقع پر عدالت سے باہر نکلتے ہوئے فیروز خان وکیل سے محوِ گفتگو تھے۔ اس دوران صحافیوں نے اُن کی ویڈیو بنانے کی کوشش کی جس پر اداکار کا طنز کرتے ہوئے کہنا تھا کہ مجھے ریکارڈ کرو، تم لوگ بہت جھوٹی خبریں دیتے ہو۔
انہوں نے اپنے وکیل سے گفتگو کرتے ہوئے کہا کہ انہیں اپنے کام سے مخلص ہونا چاہیے کیونکہ قبر میں بھی جواب دینا ہے، پاکستان کی ترقی رکی ہوئی ہے کیونکہ ہم میں اچھے اور برے لوگ موجود ہیں۔
اس ویڈیو کے وائرل ہوتے ہی صارفین نے انہیں آڑے ہاتھوں لے لیا، ایک صارف نے لکھا کہ فیروز خان اس ویڈیو میں بھی اداکارہ کر رہے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News