ہالی وڈ فلم ‘وونکا’ کے ٹریلر نے شائقین کے دل جیتے لیے۔
فلم ‘وونکا’ کا ٹریلر ریلیز ہوتے شائقین کی توجہ حاصل کرنے میں کامیاب ہو گیا۔
غیر ملکی خبر رساں ادارے کے مطابق6 دن میں ٹریلر کو 2 کروڑ 60 لاکھ سے زائد مرتبہ دیکھا گیا۔
روالڈ ڈہل کی بچوں کی بہت پسند کی جانے والی کتاب چارلی اینڈ دی چاکلیٹ فیکٹری پر مبنی یہ فلم پیڈنگٹن کے فلم ساز پال کنگ نے ڈائریکٹ کی ہے.
لوگوں کو خوابوں کی دنیا میں لے جانے والے نوجوان کی منفرد مہم پر مبنی فلم میں اداکار ٹیموتھی چالامیٹ کی دلچسپ اداکاری دیکھنے کو ملے گی.
فلم ڈائریکٹر پال کنگ نے کہا کہ انہوں نے ایک سین کیلئے بڑا ٹب تیار کیا جس میں گرم چاکلیٹ تھی۔
ڈائریکٹر کا کہنا تھا کہ ٹموتھی شالامے نے گرم چاکلیٹ سے بھرے ٹب میں حقیقتاً غوطے لگائے۔
اس حوالے سے ڈائریکٹر نے بتایا کہ گرم چاکلیٹ والے مناظر میں کسی قسم کی ‘گرافکس’ استعمال نہیں کی گئیں۔
تاہم ٹموتھی نے حقیقت کا روپ بھرنے کیلئے خود ہی ٹب میں غوطے لگائے۔
فلم کی دیگر کاسٹ میں اولیویا کولمین، سیلی ہاکنز، کیگن مائیکل، میتیو بینٹن، میٹ لوکاس، روآن ایٹکنسن، جم کارٹر، نتاشا روتھول، سائمن فارنابی، پیٹرسن جوزیف، ٹام ڈیوس، راکی تھاکر، جسٹن ایڈورڈز، کالن اوبرائن، ایلی وائٹ، فریا پارکر اور کوبنا ہولڈبروک اسمتھ شامل ہیں.
یہ فلم پندرہ دسمبر کو سینما گھروں میں ریلیز کی جائے گی۔
واضح رہے ‘وونکا’ 1964 میں رولڈ ڈاہل کے لکھے گئے ناول ‘چارلی اینڈ چاکلیٹ فیکٹری’ سے ماخوذ ہے تاہم1971 میں بھی اس ناول پر ‘ولی وونکا اینڈ دی چاکلیٹ فیکٹری’ کے نام سے فلم بنائی گئی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News