پاکستان کے معروف اداکار یاسر حسین نے اہلیہ کی کامیابی پر منفردانداز میں مبارکباد دی ہے۔

حال ہی میں پاکستان کے معروف اداکار یاسر حسین نے اپنے انسٹاگرام اکاؤنٹ پر اقراء عزیز کی تصویر شیئر کی اور انہیں پاکستان کے پہلے او ٹی ٹی پلیٹ فارم نیٹ فلکس پروجیکٹ کا حصہ بننے پر مبارکباد پیش کی۔

انہوں نے اپنی پوسٹ میں اداکارہ کو ٹیگ کرتے ہوئے لکھا کہ مبارک ہو، اب ہمارے گھر کے نیٹ فلکس پر میری بیوی آئے گی، آپ پر بہت فخر ہے۔

واضح رہے کہ آن لائن اسٹریمنگ ویب سائٹ نیٹ فلکس کے صارفین جلد او ٹی ٹی پلیٹ فارم پر پاکستانی مواد بھی دیکھ سکیں گے۔

پہلی پاکستانی نیٹ فلکس سیریز معروف ہدایت کار مومنہ درید کی ہدایت کاری میں تیار کی جائے گی جس کی کہانی ناول نگار فرحت اشتیاق کے ناول ’جو بچے ہیں سنگ سمیٹ لو‘ پر مبنی ہوگی۔

اس کی اسٹار کاسٹ میں اقراء عزیز کے ساتھ ساتھ اداکار فواد خان، حمزہ علی عباسی، بلال اشرف، احد رضا میر، خوشحال خان، عمیر رانا، اداکارہ ماہرہ خان، صنم سعید، ہانیہ عامر، مایا علی، نادیہ جمیل اور ثمینہ احمد شامل ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں  https://bit.ly/3Tv8a3P اور بیل آئیکن پر کلک کریں