بالی وڈ کی بیبو کرینہ کپور خان ایک بار پھر روہت شیٹی کی سنگھم کا حصہ بن رہی ہیں۔

جانے جان کی ریلیز اور اپنے اسٹریمنگ ڈیبیو کے بعد، کرینہ کپور خان سنگھم اگین کی شوٹنگ شروع کرنے کے لیے پوری طرح تیار ہیں۔ اجے دیوگن اور روہت شیٹی کے ساتھ  وہ اپنی تیسری فلم کر رہی ہیں ،  بتایا جا رہا ہے کہ اداکارہ  نے گزشتہ روز شوٹنگ کا آغاز کردیا۔

ذرائع کے مطابق یہ ابھی تک واضح نہیں ہے کہ سنگھم اگین میں اپنے پچھلے حصے کے کرداراونی کامت کو دوبارہ ادا کریں گی یا بالکل نیا کردار ہوگا،  لیکن وہ اس شیڈول میں اجے دیوگن کے ساتھ کچھ رومانوی حصے کے لیے شوٹ کریں گی۔

روہت کی سنگھم اگین میں دیپیکا پڈوکون بھی ایک پولیس اوتار میں نظر آئیں گی۔ فلم میں اکشے کمار، اجے دیوگن، رنویر سنگھ اور شویتا تیواری سمیت دیگر اداکار بھی ہیں۔

سنگھم 2011 میں ریلیز ہوئی، جس میں کاجل اگروال، اجے دیوگن اور پرکاش راج نے مرکزی کردار ادا کیا۔ اس کے بعد 2014 میں سنگھم ریٹرنز آئی ، جس میں اجے دیوگن کے ساتھ کرینہ کپور نے مرکزی کردارادا کیا، اب  2024 کی دیوالی پرسنگھم اگین سینما گھروں میں نمائش کے لیے تیاری کے مراحل میں ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں  https://bit.ly/3Tv8a3P اور بیل آئیکن پر کلک کریں