پاکستان کے معروف اداکار یاسر حسین کا پاک بھارت میچ سے متعلق دلچسپ ردعمل سامنے آگیا ہے۔

 پاکستان شوبز انڈسٹری سے وابستہ اداکار و ہدایت کار یاسر حسین اپنے بھائی اور چند دوستوں کے ہمراہ ان دنوں سری لنکا میں موجود ہیں۔

اسی دوران یاسر حسین پاکستان و بھارت کا میچ دیکھنے گئے اور وہاں میڈیا سے گفتگو کرتے ہوئے اپنے خیالات کا اظہار کیا۔

انہوں نے کہا کہ بارش کی وجہ سے اسٹیڈیم میں شائقین کا رش توقع سے کم تھا۔ میزبان ملک ہونے کے باعث میچ پاکستان میں ہی ہونے چاہیے تھے، گراؤنڈ میں موجود کئی بھارتیوں کا بھی یہ ہی خیال تھا کہ میچز پاکستان میں ہونے چاہیے تھے۔

گفتگو کے دوران صحافی نے سوال کیا کہ کیا پاکستان کو بارش کا فائدہ ہوا یا نقصان؟ سوال کے جواب میں اداکار کا کہنا تھا کہ ہمیں نقصان ہوگیا، ہم اتنی دور سے آئے ہیں میچ دیکھنے کے لئے لیکن پورا میچ نہیں دیکھ سکے۔

انہوں نے کہا کہ میچ بہت اچھا چل رہا تھا پاکستان 2 وکٹیں لے کر میچ میں واپس آگیا تھا، بارش نہ ہوتی تو میچ چلتا رہتا تو اچھا ہوتا، ویرات کوہلی بھی دباؤ میں آگئے تھے۔

یاسر حسین نے کہا کہ وسیم اکرم کے بعد شاہین آفریدی ان کی ٹکر کا بالر ہے، پاکستان کی ٹیم اس وقت بہت اچھی پوزیشن میں ہے ہمارے لئے میچ جیتنا مشکل نہیں ہوگا۔

انہوں نے کہا کہ وہ شاہین آفریدی کے علاوہ نسیم شاہ کی بالنگ کے بھی مداح ہیں، بیٹنگ میں بابر اعظم کی تعریف کی اور بھارتی کھلاڑی ویرات کوہلی کی بھی تعریف کی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں  https://bit.ly/3Tv8a3P اور بیل آئیکن پر کلک کریں