پاکستان میں کرکٹ کے کھیل کو ایک خاص مقام حاصل ہے اور اسی لیے اس سے وابستہ کھلاڑیوں کو نہ صرف پسند کیا جاتا ہے بلکہ کئی کرکٹ کے شائقین ان جیسا بننے کی کوشش بھی کرتے ہیں۔
یہی وجہ ہے کہ کرکٹ کے ان ستاروں کو ہر جگہ فالو کیا جاتا ہے ان کے مداح ان سے پیار کرتے ہیں اور ان کی ذاتی زندگی کے بارے میں مزید جاننا چاہتے ہیں کہ وہ کیا کھاتے ہیں کس طرح اپنی فٹنس کا خیال رکھتے ہیں اور ان کا خاندان کیسا ہے اور ان کے اہل خانہ میں کتنے لوگ ہیں۔
شاہد آفریدی کا شمار بھی ایسے ہی ایک سپر اسٹار میں ہوتا ہے جنہوں نے کرکٹ کے میدان میں بڑا نام کمایا۔ انہیں نوعمری سے ہی پسند کیا جاتا ہے، اور ان کے مداح کھیل کے میدان میں ان کی پیروی کرتے ہیں۔
جب بھی ان کی پیاری بیٹیاں اپنے بابا کا میچ دیکھنے کے لیے اسٹیڈیم میں آتی تھیں تو میڈیا پر ان کو ضرور دکھایاجاتا تھا۔ واضح رہے کہ شاہد آفریدی کی پانچ بیٹیاں ہیں جبکہ ان میں سے دو بیٹیوں اقصیٰ اور انشا کی شادی ہوچکی ہے۔
شاہد آفریدی کی اہلیہ نادیہ آفریدی حجاب کرتی ہیں یہی وجہ ہے کہ ان کی ابھی تک کبھی کوئی تصویر منظر عام پر نہیں آئی جب کہ ان کی بیٹیوں کو سب ہی جانتے ہیں، شائقین شاہد اور ان کے اہل خانہ سے محبت کرتے ہیں اور وہ ہمیشہ ہی ان کے ساتھ تصاویر لینا چاہتے ہیں جہاں بھی وہ نظر آتے ہیں۔
شاہد آفریدی کو حال ہی میں ایک نجی چینل کے شو میں مدعو کیا گیا جہاں انہوں نے اپنی پرائیویسی کے بارے میں بات کی۔ شاہد آفریدی نے اپنی اہلیہ کے حجاب کے حوالے سے بات کرتے ہوئے کہا کہ وہ حجاب کرتی ہیں۔ جب بھی پوری فیملی کسی جگہ جاتی ہیں تو لوگ ہمیشہ ہی ان کے ساتھ تصاویر اور ویڈیو بناتے ہیں۔انہیں اس بات پر کوئی اعتراض نہیں کہ وہ جانتے ہیں کہ لوگ ان کے مداح ہیں اور ان سے محبت کرتے ہیں۔
لیکن جب بھی وہ عمرہ یا حج کے لیے مقام مقدسہ کا سفر اختیار کرتے ہیں وہاں پر موجود افراد ان کی ویڈیو بنانا شروع کر دیتے ہیں اور یہ بات شاہد آفریدی کو پسند نہیں ہے۔
شاہد آفریدی کا کہنا ہے کہ ان جگہوں پر ان کی پرائیویسی کا خیال رکھنا چاہئے کیونکہ وہ اس بات سے تنگ آچکے ہیں اور لوگوں کو اس مقام پر ویڈیو نہیں بنانی چاہئے اور اس مقام کا احترام کرنا چاہیے۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News