عثمان مختار پاکستانی ڈرامہ اور فلم انڈسٹری کے ایک عمدہ اداکار ہونے کے ساتھ بہترین ہدایت کار بھی ہیں انہوں نے کئی سپر ہٹ ڈراموں میں لازوال کردار ادا کیے ہیں جن میں انا، ثبات، ہم کہاں کے سچے تھے اور صنف آہن شامل ہیں۔
عثمان مختار کوحال ہی میں ایک نجی ٹی وی کے شو میں بطور مہمان مدعو کیا گیا جہاں میزبان نے ان سے پاکستانی ڈرامہ انڈسٹری میں اقرباپروری کے حوالے سے بات کی۔
یہ بات تو سب ہی جانتے ہیں کہ پاکستان ٹیلی ویژن ہمیشہ سے ہی بہترین ڈرامے پیش کرنے کے ساتھ باصلاحیت اداکاروں کو متعارف کراتا رہا ہے پاکستانی ڈراموں کی سب سے خاص بات ان کی منفرد کہانی اور اس کے کرداروں لازوال بنانے کے لیے تمام ہی اداکاروں کی عمدہ اداکاری ہی اصل میں ان ڈراموں کی پہچان رہی ہے۔
ماضی میں بنائے جانے والے ڈراموں میں ہمیشہ کردار کی مناسبت سے اداکاروں کا چناؤ کیا جاتاتھا لیکن اب ایسا نہیں ہے۔ فی زمانہ کسی کردار کے لیے اگر کوئی اداکار یا اداکارہ موضوع نہ بھی ہو تب بھی اسے ذاتی پسند کی بنا پر ترجیح دی جاتی ہے اسی طرح کچھ لوگوں کا خیال ہے کہ اب ڈرامہ انڈسٹری میں اقربا پروری بھی بہت زیادہ دیکھنے میں آرہی ہے تاہم پاکستان کے مشہور اداکار اور ہدایت کار عثمان مختارکا کہنا ہے کہ اس انڈسٹری میں اقرباپروری نہیں بلکہ گروپ بندی ہے انہوں نے مزید کہا اس میں کوئی بری بات بھی نہیں ہے اگر کوئی ہدایت کار کسی اداکار یا اداکارہ کے ساتھ کام کرنے میں زیادہ سہولت محسوس کرتا ہے یا ان دونوں کے درمیان کیمسٹری میچ کرتی ہے تو اس میں کوئی حرج نہیں ہے۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News