بالی ووڈ کی معروف اداکارہ شلپا شیٹی کے شوہر اور نامور کاروباری شخصیت، راج کندرا کی گرفتاری اور جیل میں گزارے وقت پر مبنی فلم کا ٹریلر جاری کردیا گیا ہے جس کا عنوان UT 69 ہے۔

غیر ملکی خبر رساں ادارے کے مطابق 2 سال قبل راج کندرا کو فحش مواد کی تیاری کے الزام میں گرفتار کیا گیا تھا جس کے بعد تقریباً 6 ماہ انہوں نے جیل میں گزارے تھے۔

اس فلم میں راج کندرا نے خود اپنا کردار ادا کیا ہے جو کہ ان کا بالی ووڈ انڈسٹری میں ڈیبیو ہے اور یہ پوری فلم ان 6 ماہ کے دورانیئے کی حقیقت پر مبنی کے جو انہوں نے جیل میں گزارے تھے۔

راج کندرا نے 18 اکتوبر کو ‘UT 69’ کے ٹریلر لانچ ایونٹ میں 2 سال بعد میڈیا سے پہلی بار بات چیت کی جس دوران وہ جذباتی ہو گئے۔

اس موقع پر انہوں نے تنقید کرنے والوں سے مخاطب ہو کر کہا کہ وہ وقت خاص طور پر ان کی فیملی کے لئے بہت تکلیف دہ تھا۔

 ٹریلر لانچ کے موقع پر، راج کندرا نے بتایا کہ جب انہیں 2021 میں گرفتار کیا گیا تھا تو شلپا شیٹی ان کی طاقت بنی تھیں اور انہیں یہ یقین دلایا تھا کہ سب ٹھیک ہوجائیگا ۔

انہوں نے بتایا کہ جیل میں وہ اور شلپا ایک دوسرے کو خطوط لکھا کرتے تھے جو کہ اب بھی ان کے پاس موجود ہیں۔

رپورٹ کے مطابق یہ فلم رواں سال 3 نومبر کو ریلیز کی جائیگی جو کہ راج کندرا کے جیل میں گزارے گئے وقت کی حقیقت دنیا کے سامنے پیش کرے گی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں  https://bit.ly/3Tv8a3P اور بیل آئیکن پر کلک کریں