پاکستان شوبز انڈسٹری کی صف اول کی اداکارہ عائزہ خان نے غزہ میں جاری اسرائیلی بربریت کے خلاف اور فلسطینیوں کے حق میں اپنی آواز نہ اٹھانے پر وضاحت دی ہے۔
اداکارہ کو انسٹاگرم پر 13 ملین سے زائد افراد فالو کرتے ہیں تاہم انہوں نے اس پلیٹ فارم کے ذریعے موجودہ عالمی بحران اور اسرائیلی بربریت کے خلاف کوئی مذاحمتی بیان جاری نہیں کیا تھا۔
عائزہ خان کو ان کے اس رویے اور خاموشی کی وجہ سے سوشل میڈیا صارفین کی جانب سے تنقید کا نشانہ بھی بنایا جا رہا تھا۔
اسی حوالے سے عائزہ خان نے اپنی انسٹا گرام پوسٹ پر ایک صارف کی جانب سے پوچھے گئے سوال کہ ‘آپ فلسطین کے حق میں سوشل میڈیا پر پوسٹ کیوں نہیں کررہیں؟’ کے جواب میں کہا ‘مجھے علم ہے کہ روزانہ فلسطینیوں کے لیے دعا کرنا پوسٹ کرنے سے زیادہ بہتر ہے’۔
Advertisement
AdvertisementAdvertisementView this post on InstagramAdvertisementAdvertisementAdvertisement
Advertisement
انہوں نے لکھا کہ ‘برائے مہربانی دعا کریں جتنا آپ کرسکتے ہیں اور اس پلیٹ فارم پر دوسروں پر انگلی اٹھانے اور تنقید کرنے سے گریز کریں، ہم سب کے بچے اور چاہنے والے ہیں اور ہم سب اس غم (فلسطینیوں پر ظلم) کو محسوس کرسکتے ہیں’۔
عائزہ خان نے مزید لکھا کہ ’ہم سوچ بھی نہیں سکتے کہ وہ سب کس تکلیف سے گزر رہے ہیں لیکن مجھے میرے رب پر یقین ہے اور مجھے امید ہے اللہ پاک بہت جلد انہیں انصاف دلائے گا، آمین‘۔
عائزہ خان نے اپنی انسٹاگرام اسٹوری میں جائے نماز کی تصویر شیئر کرتے ہوئے کہا کہ اس کنکشن کو کسی انٹرنیٹ کنکشن کی ضرورت نہیں ہے۔
اداکارہ نے اپنی ایک اور اسٹوری میں غزہ کے بچوں کی تصویر ری شیئر کی اور لکھا کہ ’یااللہ رحم‘۔
غزہ پر اسرائیلی افواج کی بمباری اور گولہ باری ایک منٹ بھی نہ رک سکی۔
اسرائیلی فوج نے غزہ کو معصوم بچوں کا قبرستان بنا دیا ہے، روزانہ 134 بچے اسرائیلی بم باری کا نشانہ بن رہے ہیں، 32 دنوں میں 4 ہزار 237 بچے شہید ہوچکے ہیں۔
اقوامِ متحدہ کے ادارہ برائے اطفال یونیسیف نے اپنے حالیہ بیان میں کہا کہ غزہ میں ہر 10 منٹ میں 1 بچہ شہید ہو رہا ہے۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں https://bit.ly/3Tv8a3P اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News