درد ایک ایسا احساس ہے جس کا سامنا دنیا میں ہر شخص اپنی زندگی میں کبھی نہ کبھی ضرور کرتا ہے۔جیسے جیسے آپ بڑے ہوتے ہیں اور زندگی کے مختلف ادوار سے گزرتے ہیں۔بہت ساری ناانصافیوں اور دھوکہ دہی کا سامنا کرتے ہیں۔
کچھ لوگوں کے لیے یہ سب ناقابل برداشت ہوتا ہے اور وہ اس کی وجہ سے ذہنی مسائل میں مبتلا ہوجاتے ہیں اور ان باتوں کو ہمیشہ یاد رکھتے ہیں جبکہ بہت سے لوگ مضبوط ہوتے ہیں اور اپنی زندگی میں وقار کے ساتھ آگے بڑھتے ہیں اور ماضی کو بھول جاتے ہیں۔
متھیرا بھی انہی مضطوط لوگوں میں سے ایک ہے جنہوں نے اپنی زندگی میں بہت سے مسائل کا سامنا کیا ہے لیکن انہیں کبھی بھی اپنے اوپر حاوی ہونے نہیں دیا اور بہتر انداز میں زندگی کے سفر کو جاری رکھا۔
متھیرا نے نہایت کم عمری میں کام شروع کرنے سے لے کر، معاشرے کے ذریعے استحصال کیے جانے تک، وہ جو اصل میں نہیں تھی اس کا لیبل لگانا اور اپنے بیٹوں کو اکیلی ماں کے طور پر پالنے تک انہوں نے سب کچھ برداشت کیا لیکن کبھی کسی بھی شو میں اپنے ساتھ ہونے والی ناانصافیوں کے بارے بات نہیں کی۔
متھیرا نے حال ہی میں ایک پوڈ کاسٹ میں اپنے انٹرویو کے دوران زندگی کے کئی تلخ حقائق پر سے پردہ اٹھایا انہوں نے کہا ماضی میں کسی کے بھی ساتھ جو کچھ بھی ہوچکا ہے اس پر رونا اور ان باتوں کو دہرانا نہیں چاہئے، لوگ ایک بار سنتے ہیں بار بار نہیں۔ جب میزبان نے انہیں مضبوط کہا اور اکیلی ماں کے طور پر بچوں کی دیکھ بھال میں مشکل کے حوالے بات کی تو متھیرا نے کہاکہ ان کے تین بیٹے ہیں اور وہ کی بہتر انداز میں تربیت کر رہی ہیں۔ آپ جتنا زیادہ مضبوط ہوتے ہیں تو اتنے ہی خود سے خوف زدہ ہوتے ہیں کیونکہ آپ کسی بھی مشکل میں سب کے لیے کھڑے ہوتے ہیں لیکن جب آپ کو ضرورت پڑتی ہے تو آپ کے ساتھ کوئی نہیں ہوتا آپ کو بھی ایک کندھا یا سہارا چاہئے ہوتا ہے اور مضبوط افراد کو یہی خوف ہوتا ہے۔ یہی وجہ ہے انہوں نے روحانیت کے طرف رجوع کیا کیونکہ انہیں لگتا ہے جب وہ روتی ہیں تو ان کے پاس رب کی ذات ہوتی ہے، بہت سارے معاملات میں انہیں لگتا تھا کہ یہ ناممکن ہے اور وہ یہ نہیں کر پائیں گی لیکن کچھ ہی دنوں میں وہ سارے معاملات اور مسائل حل ہوجاتے ہیں۔
ان کا یہ بھی کہنا تھا کہ وہ ایک اچھی مسلمان نہیں ہیں انہوں نے بہت گنا کیے ہیں لیکن وہ ایک اچھا انسان بننے کی کوشش کر رہی ہیں اور وہ ہمیشہ دوسروں کے ساتھ بہت بہتر انداز میں پیش آتی ہیں کیونکہ ان کے ساتھ لوگوں نے برا کیا تو جو اچھائی ان کو نہیں ملی وہ اپنی ذات سے دوسروں کو دینا چاہتی ہیں۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں https://bit.ly/3Tv8a3P اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News