ہالی ووڈ فلم انڈسٹری کے مشہور و معروف اداکار پیٹرک ڈیمپسی کو لائف اینڈ اسٹائل اور فیشن میگزین ’پیپل‘ نے سال 2023 کا دنیا کا ’پرکشش ترین مرد‘ قرار دے دیا۔

پیٹرک ڈیمپسی نے خود کو سال 2023 کا سب سے زیادہ پرکشش ترین مرد قرار دیے جانے پر خوشی کا اظہار کرتے ہوئے کہا کہ بلآخر ان کی خواہش پوری ہوئی۔

ان سے قبل سال 2022 میں کرس ایوان کو 41 سال کی عمر میں دنیا کا پرکشش ترین مرد قرار دیا گیا تھا جب کہ ان سے قبل 2021 میں امریکی اداکار 52 سالہ پال رڈ کو پرکشش مرد قرار دیا گیا تھا، لیکن اس بار میگزین نے گزشتہ ایک دہائی میں سب سے طویل العمر شخص کو پرکشش مرد کا خطاب دیا ہے جس پر کئی لوگ حیرانگی کا اظہار بھی کر رہے ہیں۔

یاد رہے کہ پیپلز میگزین ہر سال اختتام پر دنیا کے پرکشش ترین مرد کا اعلان کرتا ہے اور یہ سلسلہ گزشتہ 38 برس سے جاری ہے۔’دنیا کے پرکشش ترین مرد‘ کا اعزاز حاصل کرنے والے اب تک کے زیادہ تر مرد حضرات میں ایسے افراد شامل ہیں،جنہیں عام طور پر ادھیڑ عمری کے بعد یہ اعزاز حاصل رہا۔

واضح رہے کہ پیٹرک ڈیمپسی نے 1987 میں فلمی کیریئر کا آغاز کیا، انہیں سب سے زیادہ شہرت ان کے میڈیکل ٹی وی سیریل میں نیوروسرجن کا کردار ادا کرنے سے ملی، انہوں نے ڈرامے کی 250 اقساط میں 2005 سے 2015 تک نیوروسرجن کا کردار ادا کیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں  https://bit.ly/3Tv8a3P اور بیل آئیکن پر کلک کریں