معروف بھارتی رئیلیٹی شو بگ باس کے سیزن 13 کے رنر اپ عاصم ریاض اور کنٹیسٹنٹ ہمانشی کھرانہ نے مذہب کی خاطر ایک دوسرے سے رشتہ ختم کردیا۔
ہمانشی اور عاصم کی دوستی 2019 میں بگ باس 13 میں ہی ہوئی تھی، اور دونوں گزشتہ چار سالوں سے ایک دوسرے کے ساتھ تھے لیکن اب ان کا بریک اپ ہوگیا۔
پنجابی گلوکارہ ہمانشی کھرانہ نے سماجی رابطے کی ویب سائٹ ایکس پر اپنے مداحوں کو رشتہ ختم ہونے سے متعلق خبر دی۔
Advertisement— Himanshi khurana (@realhimanshi) December 6, 2023
انہوں نے لکھا کہ ہاں، اب ہم ساتھ نہیں ہیں، جو بھی وقت ہم نے ساتھ گزارا وہ بہت اچھا تھا لیکن اب ہم ساتھ نہیں ہیں اور اب ہم اپنی اپنی زندگیوں میں آگے بڑھ رہے ہیں۔
ان کا کہنا تھا کہ اپنے اپنے مذاہب کے احترام کے ساتھ ہم اپنے مختلف مذہبی عقائد کے لیے محبت کو قربان کر رہے ہیں، ہمارا آپس میں کوئی اختلاف نہیں۔
اس کے علاوہ ہمانشی نے اپنے انسٹاگرام اکاؤنٹ پر بھی بتایا کہ ہم نے بہت کوشش کی لیکن ہم زندگی کا کوئی حل نہیں نکال سکے، ہم ایک دوسرے سے محبت کرتے ہیں لیکن کبھی کبھار آپ کی قسمت آپ کا ساتھ نہیں دیتی، کوئی نفرت نہیں صرف محبت اور اسے سمجھداری سے کیا گیا فیصلہ کہتے ہیں۔
خیال رہے کہ عاصم ریاض کی جانب سے ابھی تک کوئی بیان سامنے نہیں آیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News