بالی ووڈ کی معروف اداکارہ و ڈانسر شلپا شیٹی اور ان  کے شوہر راج کندرا اکثر ایک دوسرے کے ساتھ وقت گزارتے اور سوشل میڈیا پر ایک دوسرے سے محبت کا اظہار کرتے ہوئے بھی نظر آتے ہیں۔

حال ہی میں معروف بزنس مین راج کندرا نے اپنی اہلیہ سے اپنی محبت کا اظہار کرنے کے لئے دلکش اور مزاحیہ انداز اپنایا ہے جو کہ مداحوں کو بہت پسند آرہا ہے۔

راج کندرا نے اپنی انسٹاگرام اسٹوری پر ایک اسکرین شاٹ شیئر کیا ہے جس میں شلپا نے ان سے خوش مزاجی کے ساتھ سوال کیا کہ وہ ان سے کتنی محبت کرتے ہیں۔

اس سوال کے جواب میں معروف بزنس مین نے بتایا کہ وہ ان سے 72 فیصد محبت کرتے ہیں جس پر شلپا نے ایک اور سوال کیا اور پوچھا کہ 100 فیصد کیوں نہیں۔

اس سوال کے جواب میں راج کندرا نے بہت ہی مزاحیہ انداز میں جواب دیا اور بتایا کہ بقیہ 28 فیصد مہنگے تحفوں، لگژری آئٹمز اور ٹیکس میں لگ جاتا ہے۔

خیال رہے کہ گزشتہ سال راج کندرا نے ‘UT69’کے ساتھ بطور اداکار ڈیبیو کیا تھا جو آرتھر روڈ جیل میں ان کے ساتھ ہونے والے حقیقی تجربات پر ایک طنزیہ نقطہ نظر پیش کرتی ہے۔

اس دور کو وہ اپنے سب سے چیلنجنگ کے طور پر بیان کرتے ہیں اور یہ فلم ان کی زندگی کے اس خاص مرحلے کو زندہ کرتی ہے، جو سچے واقعات سے متاثر ہے۔