بالی ووڈ کی معروف اداکارہ کترینہ کیف اور وکی کوشل کی شادی کو 2 سال کا عرصہ ہوچکا ہے اور مختلف موقعوں پر یہ ایک دوسرے کی حمایت اور محبت کا اظہار کرتے ہوئے نظر آتے ہیں۔
حال ہی میں اداکارہ نے اپنے سوشل اکاؤنٹ کے ذریعے ایک سیشن کیا جس میں انہوں نے اپنے مداحوں کی جانب سے کئے گئے سوالات کا جواب دیا ہے۔
اس دوران ایک مداح نے ان سے ایک ایسی چیز کے بارے میں پوچھا جو وہ پنجابی بہو ہونے کے بارے میں پسند کرتی ہیں۔
اس سوال کے جواب میں کترینہ کیف نے اس سوال کے جواب میں خاندان اور کھانے کے لیے مکمل محبت کا اظہار کیا اور لکھا، “ڈھیر سارا پیار اور گھر کا بنا ہوا سرسو دا ساگ اور مکی کی روٹی سفید مکھن کے ساتھ”۔
اس کے علاوہ ایک اور مداح نے اداکارہ سے کھانا پکانے کے متعلق سوال کیا جس کے جواب میں، انہوں نے کافی مزاحیہ جواب دیا اور ایک پلیٹ پر پلاؤ کی تصویر شیئر کی جس پر “خیالی پلاؤ” لکھا ہوا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News