پاکستان کے نامور اداکار احسن خان نے اداکارہ نیلم منیر سے شادی کے حوالے سے بالآخرکھل کر بتادیا۔

احسن خان نے اپنے حالیہ انٹریو میں پاکستان شوبز انڈسٹری کی خوبرو باصلاحیت اداکارہ نیلم منیر کے ساتھ اپنی شادی کی خبروں کو نامناسب قرار دیتے ہوئے کہا کہ کسی بھی لڑکی کے ساتھ کسی لڑکے کا نام جوڑنا باعث شرم ہوتا ہے، کیونکہ اس سے لڑکی کے لیے مشکلات پیدا ہو سکتی ہیں۔

 دوسری شادی کے حوالے سے بات کرتے ہوئے انہوں نے کہاکہ اگرچہ مذہب اسلام میں اس کی اجازت ہے لیکن وہ اجازت بھی مشروط ہے اور انہیں نہیں لگتا کہ انہیں دوسری شادی کی ضرورت ہے جب کہ دوسری شادی ضرورت کے تحت کرنی چاہئیے، لیکن کسی بھی شخص کا ارادہ بدلتے دیر نہیں لگتی۔

احسن خان نے یہ بھی انکشاف کیا کہ انہیں بالی ووڈ کی ایک بڑی فلم آفر ہوئی  تھی ، جس میں ان کا سپر سٹار اکشے کمار کے ساتھ مرکزی کردار تھا مگر انہوں نے اس آفر کو مسترد کرتے ہوئے اپنے دوست کو ریفر کر دیا۔

اتنی اچھی بالی وڈ فلم کی آفر ٹھکرانے کی وجہ بتاتے ہوئے انہوں نے کہا کہ میری اس وقت شادی ہوئی تھی اور مجھے اپنی اہلیہ کے ساتھ ہنی مون پر جانا تھا تو میں نے اپنے ساتھی اداکار دوست میکائل ذوالفقار کو کہا کہ تم وہ فلم کر لو۔

احسن خان نے بتایا کہ جب وہ ہنی مون سے واپس آئے تو میکائل نے ان سے پوچھا کہ تم نے آفر قبول کیوں نہیں کی جس پر انہوں نے کہا کہ کوئی بات نہیں تم کرو یا میں ایک ہی بات ہے ہم اچھے دوست ہیں۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Ahsan Khan (@khanahsanofficial)