شاہ رخ خان نے اپنی بیٹی کیساتھ کام کرنے سے انکار کردیا؟

ویب ڈیسک

01st Feb, 2024. 12:05 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شاہ رخ خان نے اپنی بیٹی کیساتھ کام کرنے سے انکار کردیا؟

بالی ووڈ کنگ، شاہ رخ خان اور ان کی بیٹی سہانا خان کے متعلق اطلاعات تھیں کہ دونوں ایک پراجیکٹ میں ساتھ کام کریں گے لیکن اب ان افواہوں نے دم توڑ دیا ہے۔

غیر ملکی رساں ادارے کی ایک رپورٹ کے مطابق شاہ رخ خان نے اپنی بیٹی کیساتھ کام کرنے سے انکار کردیا ہے ۔

رپورٹ میں بتایا گیا ہے کہ فلم ‘کنگ’ کی کہانی شاہ رخ خان کے کردار کے گرد گھومتی ہے جو ایک یتیم لڑکی کی حفاظت کرتے ہیں تاہم سوجوئے گھوش کی ہدایت کاری میں بننے والی فلم کو غیر معینہ مدت کے لیے ملتوی کردیا گیا ہے۔

خیال رہے کہ اداکار شاہ رخ خان کی بیٹی سہانا خان نے حال ہی میں زویا اختر کی فلم ’دی آرچیز‘ سے بالی ووڈ میں قدم رکھا۔ اس فلم میں امیتابھ بچن کے پوتے اگستیہ نندا اور بونی کپور کی بیٹی خوشی کپور کی پہلی فلم بھی تھی۔

یہ فلم اسی نام کی امریکی مزاحیہ کتابوں کے مشہور فرضی کرداروں کی زندگی پر مبنی ہے لیکن اسے ہندوستان میں ترتیب دیا گیا تاہم اس پروجیکٹ کو اداکاری، کہانی اور “نیپو فیسٹ” ہونے کی وجہ سے تنقید کا نشانہ بنایا گیا۔