پاکستان سمیت دنیا بھر میں آج تھیٹر کا دن منایا جارہا ہے۔
اس دن کو منانے کا مقصد فنکاروں کی خدمات کا اعتراف اور حوصلہ افزائی کرنا ہے۔
تھیٹر کی تاریخ بہت قدیم ہے اس کا آغاز 2500 قبل مسیح مصرسے ہوا، اس کے بعد اسے یونانیوں نے پروان چڑھایا۔
شیکسپیئر جیسے عظیم ڈرامہ نگار نے بھی تھیٹر کو دوام بخشا۔
پاکستان میں آغا حشر کاشمیری اور امتیاز علی تاج جیسے قلم کاروں نے تھیٹرکی خوب پذیرائی کی۔
پاکستان کے ثقافتی مرکز لاہورمیں ایک درجن کے قریب ڈرامہ تھیٹرز قائم ہیں، لاہورمیں دیگر شہروں کی نسبت ڈرامہ ہالز کی تعداد بھی زیادہ ہے ، ان تھیٹرز میں شائقین کیلیے مختلف موضوعات پر ڈرامے پیش کیے جاتے ہیں۔
پاکستان میں گزشتہ کئی برسوں سے تھیٹر کو بہت سی مشکلات کا سامنا رہا ہے جس کی ایک اہم وجہ حکومتوں کی طرف سے سرپرستی کا نہ ہونا ہے ۔
یہاں یہ بات بھی قابل ذکر ہے کہ پاکستان کے تھیٹر میں بے ہنگم اور اخلاق باختہ رقص کی آمیزش نے اسے متنازع بنا دیا ہے ۔
تھیٹر کے اس عالمی دن پر اس شعبے کو غیر اخلاقی سرگرمیوں سے نجات دلانے کے عزم کی ضرورت ہے ۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News