پاکستان شوبز انڈسٹری کی معروف و سینئر اداکارہ حنا خواجہ بیات نے کہا ہے کہ میں نے زندگی میں کبھی اولاد کی کمی محسوس نہیں کی۔
حال ہی میں اپنے دیے گئے ایک انٹرویو میں اداکارہ حنا خواجہ بیات کا کہنا تھا کہ میری شادی کی سب سے خوبصورت بات یہ تھی کہ میں اور میرے شوہر ہمیشہ ایک دوسرے کے ساتھ ہوتے تھے، ہم دونوں نے کبھی اولاد نہ ہونے پر ایک دوسرے کو الزام نہیں دیا، ہم دونوں کو بچے بہت پسند تھے اور ہم نے اس کے لیے کوشش بھی کی۔
انہوں نے کہا کہ علاج معالجے کے باوجود بھی جب اللّٰہ نے ہمیں اولاد نہیں دی تو ہم یہ سمجھ گئے کہ اللّٰہ ہمیں اولاد نہیں دینا چاہتا اور اس کے پر کام میں کوئی نہ کوئی مصلحت ہوتی ہے۔
ان کا کہنا تھا کہ اللّٰہ نے اپنے سب سے محبوب حضرت محمد ﷺ کو بھی بیٹا دے کر واپس لے لیا تھا تو پھر اگر اللّٰہ ہمیں اولاد نہیں دے رہا تو وجہ ہوگی۔
اداکارہ حنا خواجہ بیات نے کہا کہ ہم دونوں میاں بیوی ہی ایک دوسرے کے لیے کافی تھے بس کبھی کبھی میں سوچتی ہوں کہ اگر آج میرے بچے ہوتے تو شاید مجھے تھوڑا سہارا ہوتا اور تنہائی محسوس نہیں ہوتی۔
انہوں نے کہا کہ لیکن میں یہ بھی سوچتی ہوں کہ اگر آج بچے ہوتے تو ابھی ان کی عمر کالج جانے کی ہوتی تو مجھے پر یہ بھی ایک ذمہ داری ہوتی اس لیے شاید یہ اللّٰہ کا کرم ہے کہ اس نے مجھ پر اس ذمہ داری کا بوجھ نہیں ڈالا۔
ان کا مزید کہنا تھا کہ اللّٰہ جو بھی کرتا ہے وہ انسان کی بہتری کے لیے ہوتا ہے اور انسان کو بعد میں سمجھ آتی ہے کہ اللّٰہ نے اسے کتنی بڑی مشکل سے بچا لیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News