بالی ووڈ اداکارہ کرینہ کپور خان نے اپنے 25 سالہ کریئر میں کئی ناکامیوں کا سامنا کیا ہے، ان کی بیک ٹو بیک فللمیں بھی فلاپ ہوتیں ہیں جس کے متعلق انہوں نے اہم انکشاف کیا ہے۔

اس حوالے سے اپنے حالیہ انٹرویو کے دوران کرینہ کپور خان نے کہا کہ وہ اپنی ناکامیوں کی وجہ سے صدمے کا شکار ہوئیں تھیں۔

کرینہ نے حال ہی میں پوڈ کاسٹ، ‘دی رنویر شو’ پر نظر آئیں، اور کہا کہ امتیاز علی کی ‘جب وی میٹ’ کی کامیابی سے قبل ان کی فلمیں مستقل فلاپ ہورہی تھیں۔

اپنی فلموں کی ناکامی پر بات کرتے ہوئے کہا کہ میں بہت پریشان تھی، میں صدمے سے دوچار تھی، میں راتوں کو یہ سوچ کر روتی رہتی تھی کہ ‘میری فلمیں کیوں نہیں چل رہی ہیں، کیا ہو رہا ہے؟’

کرینہ کپور نے سال 2000 میں بننے والی فلم ‘ریفیوجی’ سے بالی ووڈ میں قدم رکھا تھا جس میں انہوں نے ابھیشیک بچن کے ساتھ اداکاری تھی۔ اگرچہ اس فلم کی وجہ سے انہیں بہترین خاتون ڈیبیو کا فلم فیئر ایوارڈ بھی ملا تھا لیکن یہ باکس آفس پر اچھی کمائی نہیں کر سکی تھی۔ ‘ریفیوجی’ کے بعد ‘مجھے کچھ کہنا ہے’، ‘یادیں’، ‘مجھ سے دوستی کروگے!’، ‘خوشی’، اور ‘میں پریم کی دیوانی ہوں’ سمیت دیگر فلمیں بھی فلاپ ہوئیں تھیں۔

فلم انڈسٹری میں 25 سال گزارنے کے بعد، کرینہ کپور اب یہ محسوس کرتی ہیں کہ وہ “اپنی کامیابیوں سے زیادہ اپنی ناکامیوں کے لیے” جانی جاتی ہیں۔

اپنی ناکامی کی وجہ شیئر کرتے ہوئے اداکارہ نے بتایا کہ میں کوئی بھی اور ہر فلم کر رہی تھی اور حقیقت میں اس کے بارے میں نہیں سوچ رہی تھی جبکہ فلمیں باکس آفس پر کام نہیں کر رہی تھیں اور ہر کسی کے لئے باکس آفس پر فلم کی کامیابی اہم ہوتی ہے۔

انٹرویو کے دوران کرینہ نے اداکاری کے پیشے کو قدرے ’خود غرض‘ بھی کہا جہاں کوئی بھی اس بات کی پرواہ نہیں کرتا کہ دوسرا شخص کیسا محسوس کر رہا ہے۔