بالی ووڈ فلم انڈسٹری کے مشہور و معروف اداکار شاہ رخ خان نے کہا ہے کہ 4 سے 5 سال پہلے جب میری فلمیں ہٹ نہیں ہورہی تھیں تو میں نے فلمیں کرنا چھوڑ دی تھیں۔
بھارتی میڈیا کے مطابق 10 مارچ کو ممبئی میں ہونے والی تقریب کے دوران میگا اسٹار شاہ رخ خان کو اُن کی بلاک بسٹر فلم ‘جوان’ کے لیے بہترین اداکار کے ایوارڈ سے نوازا گیا۔
اس موقع پر انہوں نے تقریب سے خطاب کرتے ہوئے کہا کہ مجھے ایوارڈ ملے 8 سے 9 سال ہوگئے تھے لیکن اس سال مجھے میری حالیہ فلموں کے لیے ایوارڈز ملے ہیں جس کے لیے اپنی ٹیم کا شکر گزار ہوں۔
انہوں نے کہا کہ 4 سے 5 سال پہلے، جب میری فلمیں ہٹ نہیں ہورہی تھیں تو مجھے بہت بُرا لگتا تھا، اسی وجہ سے میں نے فلمیں کرنا چھوڑ دی تھیں اور گھر بیٹھ گیا تھا۔
ان کا کہنا تھا کہ میں نے گھر میں رہ کر روٹیاں پکائیں، پیزا بنائیں اور اپنے بچوں کے ساتھ خوب کھیلا، اسی دوران کورونا وائرس آگیا تھا جوکہ تقریباً تین سے چار سال تک رہا۔
شاہ رخ خان نے کہا کہ اب فلمیں بھی ہٹ ہورہی ہیں اور پھر سے ایوارڈز بھی مل رہے ہیں تو دیکھ کر دلی خوشی مل رہی ہے۔
اداکار نے گوری خان اور اپنے بچوں سے مخاطب ہوتے ہوئے کہا کہ جب تک تمہارا باپ زندہ ہے، انٹرٹینمنٹ زندہ ہے۔
یاد رہے کہ سال 2023 میں شاہ رخ خان کی تین بیک ٹو بیک فلمیں ریلیز ہوئی تھیں، جن میں ‘پٹھان’، ‘جوان’ اور ‘ڈنکی’ شامل تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News