پاکستان کے سب سے کم عمر ولاگر اور سوشل میڈیا اسٹار محمد شیراز نے اپنی بہن مُسکان کے ہمراہ وزیر اعظم شہباز شریف سے ملاقات کی ہے۔

گلگت بلتستان کے ضلع اسکردو کے خوبصورت علاقے سے تعلق رکھنے والے شیراز نے یوٹیوب پر اپنی روزمرہ کی زندگی اور اپنے علاقے کی خوبصورت ثقافت دنیا کو دکھا کر بہت کم عرصے میں بے پناہ مقبولیت حاصل کی۔

اپنے چینل پر اپ لوڈ کی گئی ایک حالیہ ویڈیو میں شیراز نے پرجوش انداز میں وزیر اعظم ہاؤس کے دورے کے بارے میں بتایا اور شہباز شریف سے ملاقات کا آنکھوں دیکھا احوال سوشل میڈیا پر شیئر کیا۔

Advertisement

 

Advertisement

View this post on Instagram

Advertisement

Advertisement

Advertisement

Advertisement

 

A post shared by Shirazi Village Vlogs (@mshir_azi78)

Advertisement

وہ اپنی ویڈیو میں وزیراعظم کو پیار سے ’شہباز انکل‘ کہہ کر مخاطب کر رہے تھے۔

ملاقات کے دوران وزیر اعظم نے شیراز اور مسکان کا پرتپاک استقبال کیا، اس دوران وزیر اطلاعات اور ن لیگی رہنماؤں نے بھی انہیں خوش آمدید کہا۔

اس موقع پر وزیراعظم شہباز شریف نے اُن کو اپنی کرسی پر بٹھا دیا تو شیراز نے معصومیت سے کہا کہ آج وہ وزیراعظم ہے، جس سے وزیر اعظم سمیت وہاں موجود لوگ ہنس پڑے۔

یوٹیوبر نے اپنی ویڈیو میں کہا کہ وزیراعظم بہت اچھے ہیں ان سے مل کر بہت خوشی ہوئی انہوں نے ہمارے علاقے میں اسکول اور اسپتال بنانے کا کہا ہے۔

وزیراعظم شہباز شریف نے محمد شیراز سے ملاقات کی تصاویر انسٹاگرام پر شیئر کرتے ہوئے کہا کہ شیراز اور مسکان کو وزیراعظم ہاؤس میں دیکھ کر بہت خوشی ہوئی، ان کا پاکستان سے امریکا تک کا سفر، جہاں گوگل نے انہیں مدعو کیا ہے، انتہائی متاثر کن سفر ہے۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Shehbaz Sharif (@shehbazsharif)