پاکستان کی خوبرو اداکارہ علیزے شاہ کی والدہ کا کہنا ہے کہ انہیں بیٹی کا گھر آئے مہمانوں کو نظر انداز کرنا پسند نہیں۔
علیزے شاہ کی والدہ کا سوشل میڈیا پر ماضی میں نجی ٹی وی چینل کو دیا گیا انٹرویو کا ایک کلپ وائرل ہو گیا ہے جس میں اداکارہ علیزے شاہ کی والدہ نے میزبان کے سوال پر جواب دیتے ہوئے علیزے کی ناپسندیدہ عادت سے متعلق بتایا۔
View this post on Instagram
اداکارہ کی والدہ کا کہنا تھا کہ جب کبھی علیزے کسی گھر آئے مہمان کو تھوڑا سا بھی اگنور کرتی ہے تو مجھے اچھا نہیں لگتا۔
میزبان نے سوال کیا کہ وہ ددھیال اور ننھیال کے مہمانوں میں سے زیادہ کس کو اگنور کرتی ہیں تو علیزے نے بتایا کہ یہ میرے موڈ پر منحصر ہے، جس کی وجہ سے میرے خاندان والے بھی باتیں بنا چکے ہیں۔
علیزے نے بتایا کہ وہ کہتے ہیں اس کا دل کرتا ہے تو بلاتی ہے ورنہ نہیں بلاتی لیکن دراصل کبھی کبھی کوئی بات ہو جاتی ہے جس کے باعث آپ ڈسٹرب میں ہوتے ہیں تو آپ کا دل نہیں کرتا کسی سے بات کرنے کا۔
اداکارہ کا مزید کہنا تھا کہ اب زبردستی تو کسی کے پاس جاکر بیٹھا تو نہیں جاسکتا اور میں یہ سب نہیں کر سکتی۔
