بھارت کے مقبول ترین ریپر یو یو ہنی سنگھ کی ایک ویڈیو سوشل میڈیا پر کافی وائرل ہورہی ہے جس میں انہوں نے اپنی دیرینہ خواہش کا اظہار کیا ہے۔
ویڈیو میں دیکھا جاسکتا ہے کہ دبئی میں آر جے طیب عرشمان کے ساتھ بیٹھتے ہوئے بھارتی ریپر یو یو ہنی سنگھ نے اپنے پاکستانی مداحوں کی تمام تر محبتوں اور سپورٹ کا شکریہ ادا کیا۔
اس موقع پر انہوں نے یہ بھی بتایا کہ اگر وہ کبھی پاکستان آئیں گے تو لاہور ضرور جائیں گے، جہاں سے ان کے آباؤ اجداد کا تعلق تھا۔
یو یو ہنی سنگھ، ہندوستانی میوزک انڈسٹری میں بطور ریپر، میوزک پروڈیوسر، اور اداکار کے طور پر اپنے لیے ایک جگہ بنائی ہے۔
انہیں نہ صرف بھارت بلکہ پوری دنیا میں بڑے پیمانے پر مداحوں کی پیروی حاصل ہے۔
