پاکستان شوبز انڈسٹری کی مشہور و معروف اداکارہ یمنیٰ زیدی دوران شوٹنگ خوفناک حادثے سے بال بال بچ گئیں۔
حال ہی میں سوشل میڈیا پر یمنیٰ زیدی کا ایک کلپ خوب وائرل ہورہا ہے جس میں انہوں نے سیٹ پر دوران شوٹنگ اپنے ساتھ پیش آئے حادثے کے بارے میں بتایا۔
اداکارہ نے کہا کہ وہ ایک ڈرامے کی شوٹنگ میں مصورف تھیں اور سین میں انہیں کچن میں کھانا پکانا تھا۔
ان کا کہنا تھا کہ چولہے کی گیس لیک ہورہی تھی جس کا مجھے علم نہیں تھا اور جیسی ہی میں نے چولہا تیز کیا تو آگ میرے ہاتھ پر لگی لیکن خوش قسمتی سے مجھے کچھ نہیں ہوا اور میں بچ گئی۔
انہوں نے کہا کہ وہ سین کیمرے میں ریکارڈ بھی ہوا ہے اور ہو سکتا ہے کہ شاید ڈائریکٹر اسے ڈرامے میں استعمال بھی کریں۔
