پاکستان کی معروف اداکارہ سونیا حسین کا کہنا ہے کہ انڈسٹری میں جو کام کرنا جانتا ہے وہ اپنی جگہ بنا سکتا ہے۔
پاکستان کی معروف اداکارہ سونیا حسین نے حالیہ انٹرویو کے دوران بیشتر فنکاروں کی جانب سے کام نہ ملنے یا پھر لیڈ رول نہ ملنے کی شکایات کو بے سبب قرار دیا۔
انہوں نے کہا کہ انڈسٹری میں فیورٹ ازم ضرور ہے لیکن مجھے نہیں لگتا کہ انڈسٹری میں اقربا پروری جیسی کوئی چیز ہے، یا پھر صرف گورے رنگ کو فوقیت دی جاتی ہے، بلکہ جو کام کرنا جانتا ہے وہ اپنی جگہ اپنے کام کی بنیاد پر بنا سکتا ہے۔
سونیا حسین نے کہا کہ لوگ صرف بہانے بناتے ہیں کہ کام نہیں مل رہا، انڈسٹری میں اقرباپروری کی بنیاد پر کام دیا جاتا ہے یا پھر صرف گورے رنگ کو ترجیح دی جاتی ہے۔
اداکارہ نے کہا کہ محنت بالآخر رنگ لاتی ہے اور نئے آنے والے بہانے بنانے سے گریز کریں اور سخت محنت پر توجہ دیں۔
