بیرونِ ملک مقیم یوٹیوبر رجب بٹ پر حملہ: اصل وجہ کیا ہے؟

بیرونِ ملک مقیم معروف پاکستانی یوٹیوبر اور ٹک ٹاکر رجب بٹ نے دعویٰ کیا ہے کہ ان پر لندن میں ایک ’’انتہائی سنگین“ حملہ کیا گیا ہے۔

حال ہی میں رجب بٹ نے اپنے ٹک ٹاک اور یوٹیوب اکاؤنٹس پر ایک مختصر ویڈیو شیئر کی، جس میں واضح طور پر دیکھا جا سکتا ہے کہ ان کی گاڑی کے شیشے ٹوٹے ہوئے ہیں۔

رجب بٹ مواد تخلیق کرنے والے اپنی ویڈیو میں قسمیں کھا کر مداحوں کو یقین دلا رہے ہیں کہ یہ نہ کوئی مذاق ہے اور نہ ہی دکھاوا بلکہ ان پر واقعی ایک سنگین حملہ ہوا ہے۔

ٹک ٹاکر رجب بٹ کا کہنا ہے کہ حملہ انتہائی شدید تھا اور نقصان بھی خاصا زیادہ ہوا ہے۔

انہوں نے مزید کہا کہ آئندہ دو سے تین دن میں وہ مکمل وی لاگ جاری کریں گے، جس میں تفصیل سے بتائیں گے کہ واقعہ کیسے پیش آیا اور کس حد تک نقصان پہنچا۔