کِم کارڈیشین نے آخرکار مشہور تقریب میں شرکت اور لباس سے متعلق افسوس کا اظہارکردیا۔ 2022 میں انہوں نے مشہور میٹ گالا میں شرکت کی تھی۔
ایک پوڈکاسٹ میں 45 سالہ میگا اسٹار نے اس رات کا ذکر کیا جب انہوں نے میریلن منرو کے مشہور “ہپی برتھ ڈے، مسٹر پریزیڈنٹ” لباس پہنا تھا۔
یہ لباس سالوں سے ایک میوزیم میں محفوظ رکھا گیا تھا اور لوگوں کی بڑی تعداد نے کِم کو اس قدیم طرز کے لباس کو پہننے پر تنقید کا نشانہ بنایا تھا۔
لیکن کِم کارڈیشین کا پچھتاوااور افسوس اس لباس کے بارے میں نہیں ہے۔ انہوں نے کہا کہ ان کا پچھتاوا اس بات پر ہے کہ انہیں ایک مختلف ہیئر اسٹائل منتخب کرنا چاہیے تھا۔
لوگوں نے انہیں مشورہ دیا تھا کہ وہ میریلن منرو کا پورا انداز نہ اپنائیں کیونکہ اس سے وہ موم کے مجسمے کی طرح لگ سکتی ہیں، لیکن کِم نے اس کے باوجود اس لباس کے ساتھ بلونڈ بال رکھنے کا فیصلہ کیا۔
اب جب کہ کِم کارڈیشین اس رات کو یاد کرتی ہیں، تو انہیں لگتا ہے کہ انہیں زیادہ گہرا ہیئر اسٹائل اختیار کرنا چاہیے تھا، جو جیکولین کینیڈی کے مشہور انداز کے قریب ہوتا۔
انہوں نے کہاکہ “مجھے تو سیاہ بال رکھنا چاہیے تھے، جیکی او کے انداز میں۔” اداکارہ نے یہ بھی اعتراف کیا کہ وہ اس فیصلے کے بعد اپنی تصاویر کو بار بار ایڈٹ کرتی رہی تاکہ دیکھ سکیں کہ مختلف بالوں کے رنگ کے ساتھ وہ کیسی لگتیں۔
انہوں نے نے مذاق کرتے ہوئے کہا کہ وہ اپنے ہیئر اسٹائلسٹ کرس ایپلٹن کے ساتھ اس فیصلے کو لے کر مذاق کرتی رہتی ہیں۔
یہی وہ لباس ہے جو جان لوئس نے میریلن منرو کے لیے تیار کیا تھا اور اتنا ٹائٹ تھا کہ انہیں اس میں پرفارم کرنے سے پہلے اسے سی کر پہنا گیا تھا۔ جب وہ 1962 میں صدر جان ایف کینیڈی کے لیے پرفارم کر رہی تھیں۔
