پاکستانی ڈرامہ انڈسٹری کی اُبھرتی ہوئی اداکارہ سحر خان نے ایک مبہم انسٹاگرام اسٹوری شیئر کر کے مداحوں کو حیرت اور تجسس میں مبتلا کردیا ہے۔
اداکارہ کی جانب سے شیئر کی گئی اسٹوری میں 2 افراد نظر آرہے ہیں جن میں سے ایک سفید لباس میں ممکنہ طور پر سحر خان خود ہیں جبکہ ان کے ساتھ موجود شخص کو مداح ’مسٹری مین‘ قرار دے رہے ہیں۔
دونوں ایک کار میں بیٹھے دکھائی دیتے ہیں جبکہ پسِ منظر میں گانا “آج سجیا” چل رہا ہے، تاہم سحر نے اس اسٹوری پر لکھا کہ “بڑا دن ہے، الحمدللّٰہ”۔
اس مختصر مگر معنی خیز پوسٹ نے سوشل میڈیا پر چہ مگوئیوں کو تیز کر دیا ہے۔ مداح اندازے لگا رہے ہیں کہ کیا واقعی سحر خان نے شادی کرلی ہے یا وہ کسی قریبی دوست کی شادی میں شرکت کررہی ہیں۔
کچھ صارفین نے حیرت کا اظہار کیا اور کچھ نے مبارکباد پیش کی جبکہ کئی نے سوال اٹھایا کہ آخر یہ سب ہو کیا رہا ہے؟
تاہم، سحر خان کی جانب سے اب تک اس بارے میں کوئی وضاحت سامنے نہیں آئی۔
مزید پڑھیں: سحر خان کا شادی سے متعلق اہم بیان سامنے آگیا