مشہور زمانہ ہیری پوٹر فلم سیریز اب ٹی وی سیریز کی شکل میں نئی کاسٹ کے ساتھ واپس آنے والی ہے۔
ایچ بی او کی یہ ہیری پوٹر ٹی وی سیریز ریبوٹ 2027 میں ریلیز ہونے کی توقع ہے، جس میں فلم سیریز کے اصل ’گولڈن ٹرایو‘ یعنی ہیری پوٹر، ہرمیون گرینجر اور رون ویسلی کے کردار نئے اداکاروں کے ذریعے نبھائے جائیں گے۔
یہ سیریز مکمل طور پر جے کے رولنگ کی اصل ہیری پوٹر کتابوں پر مبنی ہوگی، نہ کہ کسی نئے تصور یا پلاٹ پر اور ہر سیزن ایک کتاب کی کہانی پر مشتمل ہوگا۔ ایچ بی او کے مطابق یہ سیریز ایک دہائی تک چل سکتی ہے۔
گرین سگنل پہلی بار 12 اپریل 2023 کو وارنر بروس ڈسکوری کے پریس ایونٹ میں دیا گیا تھا جبکہ پروڈکشن 14 جولائی 2025 سے شروع ہوگئی ہے۔
وارنر بروس ڈسکوری کے سی ای او ڈیوڈ زاسلاو نے تصدیق کی ہے کہ سیریز کی کاسٹ بالکل نئی ہوگی اور بنیاد اصل کتابوں پر ہوگی۔
ہیری پوٹر کے کردار میں اسکاٹش اداکار ڈومینک میک لاؤگلن نظر آئیں گے، جنہوں نے ہیری کی مخصوص یونیفارم اور گردن کے نشان کے ساتھ پہلی جھلک میں ہی شائقین کی توجہ حاصل کر لی ہے۔
مزید پڑھیں: ہیری پوٹر سیریز کے مشہور اداکار حادثے کا شکار ہوگئے