ضلع کچہری لاہور میں معروف ڈرامہ نویس خلیل الرحمان قمر کی نامناسب ویڈیو وائرل کرنے کے مقدمے میں ملزمہ آمنہ عروج کی درخواست ضمانت خارج کر دی گئی۔
ملزمہ آمنہ عروج کی درخواست ضمانت پر سماعت ضلع کچہری ہوئی جس میں وکیل چوہدری مدثر ایڈووکیٹ نے مدعی کی جانب سے اس مقدمے میں دلائل دیے۔
سماعت کے دوران ملزمہ کے وکیل نے کہا کہ مقدمہ ایک سال تین ماہ کی تاخیر سے درج ہوا اور ملزمہ کا اس کیس میں کوئی کردار نہیں ہے، یہ مقدمہ سزا کی معطلی کے بعد درج کیا گیا تھا۔
پراسکیوٹر نے عدالت کو بتایا کہ ملزمہ نے ویڈیو بنوانے اور وائرل کرنے میں اہم کردار ادا کیا اور شریک ملزمان کو صرف سہولت کاری کے لیے نامزد کیا گیا تھا، ملزمہ کے خلاف موجود ریکارڈ اور ثبوت کیس کو مضبوط بناتے ہیں۔
عدالت نے مقدمے کی سنگینی کو مدنظر رکھتے ہوئے آمنہ عروج کی درخواست ضمانت خارج کر دی، تاہم یہ مقدمہ این سی سی آئی اے (نیشنل کرائم سیل) کی جانب سے درج کیا گیا ہے۔
