پاکستانی شوبز انڈسٹری کی معروف اداکارہ لائبہ خان نے رواں ماہ اچانک شادی کا اعلان کر کے اپنے مداحوں کو حیران کر دیا تھا۔
اداکارہ لائبہ خان نے بتایا تھا کہ ان کا نکاح نومبر 2024 میں مدینہ منورہ میں انجام پایا، جس کا باضابطہ اعلان انہوں نے 27 جنوری 2026 کو انسٹاگرام کے ذریعے کیا۔
شادی کے اعلان کے بعد لائبہ خان نے مختلف تقریبات کی جھلکیاں بھی سوشل میڈیا پر شیئر کیں، جن میں نکاح فوٹو شوٹ، دعائے خیر، ڈھولکی اور برائیڈل شاور شامل تھے۔
ہر موقع پر لائبہ خان حسین برائیڈل انداز میں جلوہ گر ہوئیں جبکہ قریبی دوستوں اور اہلِ خانہ نے بھی ان خوشیوں میں شرکت کی۔
تاہم، ان تقریبات کی تصاویر میں لائبہ خان نے اپنی سولو تصاویر شیئر کیں اور اپنے شوہر کو منظرِ عام پر لانے سے گریز کیا، جس کے باعث سوشل میڈیا پر ان کے شریکِ حیات سے متعلق چہ مگوئیاں شروع ہوگئیں۔
View this post on Instagram
کچھ صارفین نے اس عمل پر تنقید کرتے ہوئے کہا کہ شوہر کی شناخت چھپانے سے غیر ضروری بحث نے جنم لیا جبکہ بعض افراد نے قیاس آرائیوں کی بنیاد پر مختلف دعوے اور الزامات بھی عائد کیے۔
کئی صارفین کا خیال تھا کہ اداکارہ کو اپنی شادی اس انداز میں خفیہ رکھنے کی ضرورت نہیں تھی۔
View this post on Instagram
سوشل میڈیا پر جاری بحث کے بعد اب لائبہ خان نے انسٹاگرام پر اپنے شوہر کے ساتھ ہلدی کی تقریب کی تصاویر شیئر کر دی ہیں۔
تصاویر کے کیپشن میں انہوں نے مداحوں سے مخاطب ہوتے ہوئے لکھا کہ ’اب خوش؟ براہِ مہربانی ماشاءاللہ کہہ دو‘
