شوبز انڈسٹری کے معروف اداکار علی رضا اور اداکارہ کنزا ہاشمی کی حالیہ تصاویر اور بڑھتی قربتوں نے سوشل میڈیا پر طوفان کھڑا کردیا ہے۔

حال ہی میں ویلنٹائن ڈے کے موقع پر دونوں فنکاروں نے کچھ تصاویر سوشل میڈیا پر شیئر کیں، جن میں وہ پوز دیتے ہوئے دکھائی دیے۔

 مداحوں نے ان تصاویر میں دکھائی دینے والی گاڑی پر بھی توجہ دی اور اندازہ لگایا کہ شاید یہ گاڑی علی رضا کی ہے، جس سے تعلقات کی افواہیں مزید بڑھ گئی ہیں۔

دونوں فنکار جلد ہی ایک نئے ڈرامے میں ساتھ نظر آئیں گے، جس کے بعد مداحوں نے قیاس آرائیاں شروع کر دی ہیں کہ ان کی کیمسٹری صرف اسکرین تک محدود نہیں۔

سوشل میڈیا صارفین کا کہنا ہے کہ شاید یہ دوستی صرف کام تک محدود نہیں بلکہ ذاتی سطح پر بھی جاری ہوسکتی ہے، تاہم دونوں فنکاروں کی جانب سے ابھی تک کسی قسم کی باضابطہ تصدیق سامنے نہیں آئی۔