سوشل میڈیا انفلوئنسر سامعہ حجاب نے عمرہ کی ویڈیوز پر تنقید کرنے والوں کو دو ٹوک جواب دے دیا۔
سامعہ حجاب ان دنوں مکہ مکرمہ میں موجود ہیں، جہاں وہ رمضان المبارک عبادت میں گزار رہی ہیں اور عمرہ بھی ادا کرچکی ہیں۔
ان کے عمرہ سے متعلق ویڈیوز شیئر کرنے پر بعض سوشل میڈیا صارفین نے تنقید کرتے ہوئے تبصرہ کیا کہ وہ ماضی کی غلطیوں کے بعد معافی مانگنے کے لیے مکہ پہنچی ہیں۔ اس پر ردِعمل دیتے ہوئے سامعہ حجاب نے انسٹاگرام پر ویڈیو پیغام جاری کیا۔
انہوں نے کہا کہ ایک گناہگار دوسرے گناہگار کو کیسے جج کر سکتا ہے؟ میں اس وقت خانہ کعبہ کے سامنے بیٹھی ہوں، اللہ سے اپنے معاملات پر دعا اور رہنمائی مانگ رہی ہیں۔
View this post on Instagram
سوشل میڈیا انفلوئنسر نے کہا کہ مکہ میں گناہگار اور نیک دونوں حاضر ہوتے ہیں، اصل حال اللہ ہی بہتر جانتا ہے، اگر اللہ کسی کو اپنے گھر بلارہا ہے تو اس کے دل کی کیفیت بھی وہی جانتا ہے، اس لیے دوسروں پر فیصلے صادر کرنے سے گریز کیا جائے۔
ان کے بیان کے بعد سوشل میڈیا پر ملا جلا ردِعمل سامنے آیا ہے۔ کچھ صارفین نے ان کی باتوں کی حمایت کرتے ہوئے دعا اور ہدایت کی تمنا کی جبکہ بعض ناقدین نے اپنی تنقید برقرار رکھی۔
