موسمِ سرما کی سوغات ’گاجر کا حلوہ‘ کیسے پکائیں ؟

ویب ڈیسک

21st Dec, 2023. 10:41 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

موسمِ سرما کی سوغات ’گاجر کا حلوہ‘ کیسے پکائیں ؟

سردیوں کی سوغات گاجر کا حلوہ پاکستان اور پڑوسی ممالک سمیت پورے برصغیر میں گجریلا کے نام سے بھی مشہور ہے، سرد موسم میں اسے گرم گرم کھانا زیادہ پسند کیا جاتا ہے۔

اجزا

کچی اور چھوٹی گاجریں: 2 کلو

چینی: 400 گرام

ثابت الائچی: 3 سے 4 دانے

دودھ: 2 کلو

دیسی گھی: 200 گرام

زعفران: 1 چٹکی

عرق گلاب: 1 چائے کا چمچ

ترکیب

سب سے پہلے گاجروں کو کدوکش کرلیں، کدوکش کرنے سے پہلے اور بعد میں انہیں اچھی طرح دھو لیں۔

گاجروں کو چولہے پر چڑھائیں اور چینی ڈال دیں، جب چینی پانی چھوڑنا شروع کرے تو اسے ڈھک کر ہلکی آنچ پر چھوڑ دیں۔

50 منٹ تک ہلکی آنچ پر رہنے دیں اور اس دوران تھوڑی تھوڑی دیر بعد ایک بار چمچہ چلا لیں۔

ثابت الائچی بھی اسی دوران شامل کردیں۔

چینی کا پانی خشک ہوجائے تو اس میں دیسی گھی شامل کریں اور اس کو 5 منٹ تک بھونیں۔

یہ بھی پڑھیں: تڑکے والا گاجر کا حلوہ بنانے کی ویڈیو وائرل

اس دوران دودھ سے کھویا بنا لیں، 2 کلو دودھ سے 400 گرام کھویا بنے گا، کھویا بناتے ہوئے اس میں چند قطرے دیسی گھی کے ڈال دیں اس سے کھویا برتن میں نہیں لگے گا۔

گاجر کو بھوننے کے بعد اس میں کھویا شامل کردیں۔

بعد ازاں عرق گلاب میں زعفران ملائیں اور اسے حلوے میں شامل کردیں۔

پستہ، بادام چھڑک کر مزیدار گرما گرم حلوہ سرو کریں۔