امن فاؤنڈیشن کیلئے17 کروڑ 97 لاکھ کی گرانٹ جاری
سندھ حکومت نےامن ایمبولینس کے لیے17کروڑ97لاکھ روپے کی گرانٹ جاری کردی ۔
تفصیلات کے مطابق وزیر اعلیٰ سندھ مراد علی شاہ کی منظوری کے بعد امن ایمبولینس سروس کی انتظامیہ کو سترہ کروڑ ستانوے لاکھ سے زائد کی گرانٹ کا چیک جاری کردیا گیا ہے ۔
ترجمان سندھ حکومت بیرسٹر مرتضی ٰوہاب کے مطابق وزیر اعلی سندھ نے گزشتہ روز امن ایمبولینس سروس کے لئے گرانٹ منظور کی تھی۔
مرتضیٰ وہاب کا کہنا تھا کہ امن ایمبولینس سروس کی انتظامیہ کو گرانٹ کا چیک فراہم کردیا گیا ہے ۔ہماری کوشش ہے کہ شہریوں کو ہر ممکن سہولت فراہم کریں۔ امن ایمبولینس کی سروس کو کسی صورت متاثر نہیں ہونے دیا جائے گا۔
واضح رہے کہ سندھ حکومت کی جانب سے فنڈز ادا نہ کیے جانے پر امن فاؤنڈیشن نے ایمبولینس سروس کر دی تھی۔
Advertisement
امن فاؤنڈیشن کی جانب سے موقف اپنایا گیا تھا کہ محکمہ صحت سندھ پر 412 ملین روپے واجب الادا ہیں ، فنڈز ملتے ہی گھنٹوں میں سروس بحال کر دی جائے گی۔
امن فاؤنڈیشن اور محکمہ صحت کے درمیان رواں سال مئی میں 45 کروڑ روپے سالانہ میں معاہدہ طے پایا تھا۔ معاہدے کے تحت امن فاؤنڈیشن کی 60 ایمبولینس سندھ ریسکیو اینڈ میڈیکل سروسز میں چلنا تھیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
کومنٹس کریں
Advertisement
