نشتراسپتال میں ڈینگی کے 6نئےکیسزرپورٹ

جاوید عنبر

07th Nov, 2019. 10:46 am
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

Now Reading:

نشتراسپتال میں ڈینگی کے 6نئےکیسزرپورٹ

پنجاب کےمختلف شہروں میں ڈینگی سےمتاثرہ افرادکی تعدادمیں بدستوراضافہ ہورہاہے، ملتان کے نشتراسپتال میں ڈینگی کے6 نئےکیسز سامنے آگئے۔

تفصیلات کےمطابق نشتراسپتال کے آئسولیشن وارڈ میں 12مریض زیرعلاج ہیں جس میں سے6افرادمیں ڈینگی بخار کی تصدیق ہوگئی۔

اسپتال انتظامیہ کے مطابق اسپتال میں داخل3 مریضوں کی رپورٹس آنا باقی ہیں۔

اسپتال انتظامیہ کےمطابق زیرعلاج مریضوں کا تعلق جنوبی پنجاب کےمختلف اضلاع سےہے۔

گزشتہ روزنشتر اسپتال میں ڈینگی کے تین نئے کیسزرپورٹ ہوئےجس میں زیرعلاج مریضوں میں سے 6میں ڈینگی کی تصدیق ہوگئی۔

دوسری جانب صوبہ خیبرپختونخوا میں مزید 44 افراد میں ڈینگی کی تصدیق ہوئی۔

خیبرپختونخوامیں متاثرہ مریضوں کی تعدادبڑھ کر6ہزار751ہوگئی۔ ڈینگی رسپانس یونٹ کےمطابق ضلع پشاورمیں بھی 10افراد کو ڈینگی مچھرنےکاٹ لیا۔

ڈینگی رسپانس یونٹ کےمطابق صرف پشاور میں اب متاثرہ کیسز کی تعداد2ہزار575 ہوگئی ہے۔

ڈینگی رسپانس یونٹ نےمزیدبتایاکہ صوبےبھرکےاسپتالوں میں نئے 22 متاثرہ مریضوں کوداخل کرادیا گیا ہےجبکہ اب بھی اسپتالوں میں 90 مریض زیرعلاج ہیں۔

ڈینگی رسپانس یونٹ کاکہناہے کہ صوبے میں 6ہزار665مریضوں کو علاج کی فراہمی کےبعد فارغ کیاجاچکا ہے۔