کورونا وائرس کے اومیکرون ویریئنٹ نے روس کو تیزی کے ساتھ اپنی لپیٹ میں لے رہا ہے۔

ہفتے کے روز رپورٹ ہونے والے انفیکشنز کی تعداد 1 لاکھ 10 ہزار سے اوپر چلی گئی۔

روس کی سرکاری کورونا وائرس ٹاسک فورس نے بتایا کہ گزشتہ 24 گھنٹوں میں 1 لاکھ 13 ہزار 122 کیسز رپورٹ ہوئے۔

یہ اب تک کی ریکارڈ ہونے والی سب سے زیادہ تعداد ہے جو اس ماہ کے شروع میں ریکارڈ ہونے والی تعداد یعنی 15000 سے سات گُنا زیادہ ہے۔

ٹاسک فورس کا کہنا تھا کہ گزشتہ روز کووڈ-19 سے 668 افراد جاں بحق ہوئے۔ جس کے بعد کووڈ سے روس میں اموات کی تعداد 3 لاکھ 30 ہزار 111 تک پہنچ گئی جو یورپ بھر میں سب سے زیادہ ہے۔

کرملن کے ترجمان ڈمِٹری پیسکوف نے رپورٹرز کو بتایا کہ یہ اعداد زیادہ ہیں اور ممکنہ طور پر اور زیادہ ہوں کیوں کہ زیادہ تر لوگوں کے ٹیسٹ نہیں ہوئے ہیں یا ان میں علامات نہیں ہیں۔

ترجمان کرملن نے اس بات کا اعتراف بھی کیا کہ صدارتی ایڈمنسٹریشن میں بہت سے لوگ ہیں جو وائرس سے انفیکٹ ہوئے ہیں۔

پیسکوف کا کہنا تھا کہ اکثریت نے خود کو آئسولیٹ کرنے کے بعد گھر سے کام کرنا جاری رکھا ہوا ہے۔

اس ماہ کے شروع میں روسی پالریمان نے لامحدود مدت تک غیر ویکسین شدہ لوگوں پر پابندیوں کا اطلاق مؤخر کیا تھا۔

اور اس ہفتے ہیلتھ آفیشلز نے آئسولیشن دورانیے کو 14 دن سے کم کرتے ہوئے سات روز کر دیا تھا۔