ایک نئی تحقیق میں بتایا گیا ہے کہ کووڈ-19 کی ویکسین حاملہ خواتین کے لیے محفوظ ہیں اور اسقاطِ حمل کے خطرے کو بھی کم کرسکتی ہیں۔
لندن کی سینٹ جارجز یونیورسٹی اور رائل کالج آف آبسٹیٹریشینز اینڈ گائناکولوجسٹس نے 1 لاکھ 15 ہزار ویکسین شدہ حاملہ خواتین پر مبنی مطالعوں اور ٹرائلز کا ڈیٹا اکٹھا کیا۔
تحقیق میں محققین کو معلوم ہوا کہ حاملہ خواتین-جو ممکنہ طور پر کووڈ-19 کا شکار ہونے پر زیادہ بیماری ہوسکتی تھیں- اگر ویکسین شدہ ہوں تو ان میں اسقاطِ حمل کے خطرات 15 فی صد کم ہوتے ہیں۔
لندن کے جارجز ہاسپٹل کی آپسٹیٹرِکس اور فیٹل میڈیسن کی پروفیسر عصمہ خلیل کا کہنا تھا کہ محققین یہ دیکھنا چاہتے تھے کہ آیا ویکسینیشن حاملہ خواتین کے لیے محفوظ تھیں یا نہیں۔
انہوں نے کیا ’وہ محفوظ تھیں لیکن جو بات حیران کن ہے اور ایک مثبت دریافت ہے وہ یہ کہ اسقاطِ حمل میں کمی تھی۔
انہوں نے مزید کہا ’اب تک دورانِ حمل ویکسین پر زیادہ تر ڈیٹا اس متعلق ہے کہ حاملہ عورت خود کو کووڈ سے بچائے۔
پروفیسر عصمہ کا یہ بھی کہا ’اب ہمارے پاس اس چیز کے شواہد بھی موجود ہیں کہ یہ ویکسینز بچے کو بھی بچاتی ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News