آج ہم آپکو بتائیں گے کہ انڈا کھانے سے وزن کم ہوسکتا ہے یا نہیں۔

حال ہی میں کی گئی ایک تحقیق سے یہ بات سامنے آئی ہے کہ انڈا کھانے سے وزن پر قابو پانے سمیت موٹاپے کو کم کرنے میں بھی مدد ملتی ہے کیونکہ انڈوں کو وٹامن ڈی سمیت دیگر جسمانی صحت کے لیے بہتر قرار دیا جاتا ہے۔

18 سے 30 سال کی عمر کے 350 سے زائد طالب علموں پر کی جانے والی تحقیق سے معلوم ہوا کہ انڈوں کا یومیہ استعمال نہ صرف وزن کم کرنے میں مددگار ہوتا ہے بلکہ ان کے استعمال سے باڈی ماس انڈیکس (بی ایم آئی) بھی بہتر اور مضبوط ہوتا ہے۔

تحقیق کے دوران بعض رضاکاروں کو انڈے کو زردی کے بغیر جبکہ بعض رضاکاروں کے زردی سمیت انڈے کھانے کی ہدایت کی گئی تھی۔

تحقیق کے نتائج سے معلوم ہوا کہ زردی سمیت انڈوں کا یومیہ استعمال نہ صرف ہڈیوں کو مضبوط بناتا ہے بلکہ وہ جسمانی قوت بھی بڑھاتے ہیں اور ان سے وزن کم ہونے سمیت دماغی اور دل کی صحت بھی بہتر ہوتی ہے۔

تحقیق میں دریافت کیا گیا کہ زردی کے بغیر انڈے کھانوں سے بھی مجموعی طور پر بہترین نتائج حاصل ہوئے تاہم ماہرین کے مطابق زردی سمیت مکمل انڈوں کو کھانے سے زیادہ فوائد ہوتے ہیں۔

ماہرین کا کہنا ہے کہ انڈوں کا یومیہ استعمال نہ صرف وزن کو قابو کرنے میں مددگار ہوتا ہے بلکہ اس سے جسم کی چربی بھی ختم ہوتی ہے اور جسمانی قوت بڑھنے سمیت ہڈیوں کی مضبوطی بھی بڑھتی ہے۔

ماہرین نے کہا کہ یومیہ ایک اور ہفتے میں کم از کم 5 انڈے کھائے جانے چاہیے۔