ناریل کے تیل کے چند فوائد تو سبھی جانتے ہیں لیکن کیا آپ کو معلوم ہے کہ اس کے استعمال سے آپ انڈوں کو پورے ایک سال تک تازہ رکھ سکتے ہیں؟

اگر نہیں تو آج ہم آپ کو بتائیں گے کہ ناریل کا تیل محض بالوں پر لگانے کیلئے ہی استعمال نہیں ہوتا بلکہ یہ اور بھی کئی طریقوں سے استعمال کیا جاتا ہے۔

 چمڑے کو پالش کرنا

اگر آپ چمڑے سے بنی مصنوعات پر ناریل کا تیل لگاتے ہیں تو اس سے اس چیز کی مضبوطی برقرار ہوتی ہے اور اس کی چمک بھی ماند نہیں پڑتی۔

انڈوں کو بچائے

ناریل کے تیل کا ایک فائدہ یہ بھی ہے کہ اگر آپ انڈوں کو اپنے گھر میں محفوظ کرنا چاہتے ہیں تو ان پر ناریل کا تیل لگا دیں تو پھر آپ 9 سے 12 ماہ تک انہیں کھانے کیلئے استعمال کر سکیں گے۔

مشکل داغوں کا علاج

اگر تو کپڑوں میں ایسا داغ لگ جائے جو کسی صورت صاف نہ ہورہا ہو تو ناریل کے تیل اور بیکنگ سوڈا کی یکساں مقدار کو اس کے اوپر ڈال کر دھولیں، آپ کا مسئلہ حل ہوجائے گا۔

زنگ کو دور بھگائے

گھر میں موجود لوہے کی اشیاء پر اکثر زنگ لگ جاتا ہے، تو اگر آپ ان اشیاء پر ناریل کا تیل لگا کر ایک گھنٹے کیلئے چھوڑ دیں اور پھر گرم پانی سے دھو لیں تو زنگ اُتر جائے گا۔

آواز کرنے والے دروازوں کو خاموش کریں

گھروں میں اکثر ایسا ہوتا ہے کہ دروازوں کے قبضے سے آواز آنے لگتی ہے جو بالکل بھی اچھی نہیں لگتی خاص طور پر تب جب بیمار ہوں، ایسی صورت میں بھی اگر آپ یہ تیل ان دروازوں کے قبضے میں لگائیں گے تو اس آواز سے چھٹکارا حاصل کر سکتے ہیں۔