انجیر کا شمار خشک میوہ جات میں ہوتا ہے اور اس میں وہ تمام اجزاء پائے جاتے ہیں جو انسان کو بیماریوں سے تحفظ دینے میں اہم کردار ادا کرتے ہیں۔

 ویسے تو یہ پھل سارا سال ہی باآسانی ہر جگہ دستیاب ہوتا ہے، لیکن اسے سردیوں کی خاص سوغات کہا جاتا ہے کیونکہ یہ موسم سرما کے آتے ہی مارکیٹس میں نظر آنے لگتا ہے۔

 آج ہم آپ کو انجیر کے فوائد بتائیں گے جنہیں جان کر آپ اسے روزانہ کی بنیاد پر استعمال کرنے پر مجبور ہو جائیں گے۔

کمزور لوگوں کیلئے فائدہ مند

انجیر میں فائبر کافی مقدار میں پایا جاتا ہے، اگر اسے کمزور افراد روزانہ کی بنیاد پر استعمال کریں تو یہ انکو فربہ بناتا ہے۔

 سانس کے امراض

انجیر سانس کے امراض کے لیے ایک بہترین دوا ہے، یہ جسم میں انسولین کی مزاحمت کو کم کرتی ہے اس طرح خون میں چینی سطح اعتدال میں رہتی ہے۔

بلڈ پریشر

انجیر پوٹاشیئم سے بھرپور ہونے کی بنا پر بلڈ پریشر کو بھی توازن میں رکھنے میں معاون ثابت ہوتی ہے۔

نظام انہضام

انجیرمیں فائبر کافی مقدار میں موجود ہوتا ہے اسی لیے یہ نظام انہضام کو بہتر بنانے میں معاون ثابت ہوتی ہے۔

سیلینیئم نامی مرکب کی کمی

انجیر میں سیلینیئم پایا جاتا ہے، تو ایسے افراد جن میں سیلینیئم نامی مرکب کی کمی ہو جاتی ہے ان کیلئے یہ بہترین دوا کا کام کرتی ہے۔

ایسے افراد جن میں سیلینیئم نامی مرکب کی کمی ہو جاتی ہے ان میں میٹھا کھانے کی طلب بڑھ جاتی ہے، ایسے لوگوں کو انجیرمیٹھے کی طلب سے چھٹکارا دلانے میں اہم کردار ادا کر سکتی ہے۔