پھل ہو یا سبزیاں صحت بخش اجزاء سے بھرپور ہوتی ہیں اور انہیں غذا میں شام رکھنا ایک صحت مند طرز عمل ہے تاہم کبھی کبھار یہ غذا آپ کو صحت دینے کے بجائے بیمار بھی کر سکتی ہے۔

جوبھی غذا آپ کھاتے ہیں اس کا مقصد آپ کو توانائی دینے کے ساتھ صحت مند رکھنا ہے لیکن اگر یہ غذا ن مقاصد کے حصول کے بجائے امراض کا سبب بنے لگے تویہ بات یقیناً آپ کو پریشان کرنے کے لئے کافی ہے۔

لوگوں کی اکثریت واقعی اس بات کا ادراک نہیں رکھتی کہ وہ جو سبزیاں اور پھل کھارہے ہیں وہ کتنے زہریلے ہیں اس کی بنیادی حشرات سے بچانے والے اسپرے ہیں جو انہیں زہریلا بنا رہے ہیں اس کے برعکس قدرتی کھاد سے پیدا ہونے والے پھل اور سبزیاں اور اس طرح کے اثرات سے محفوظ رہتے ہیں۔

یہاں پھلوں اور سبزیوں کو کیڑے مار ادویات کے اثرات سے پاک کرنے کے لئے ان طریقہ کار کو اختیار کریں۔

پھلوں اور سبزیوں کو بہتے ہوئے پانی سے  دھوئیں، جبکہ انہیں کچھ دیر کے لیے نمک ملے پانی میں بھگودیں اس طرح انہیں بہتر انداز میں صاف کیا جاسکتا ہے۔

اس مقصد کے لئے ایک تحقیق کی گئی جس میں ایک ایسے خاندان کا انتخاب کیا گیا جو قدرتی کھاد یعنی آرگینک طریقہ کے بجائے مصنوعی کھاد سے پیدا ہونے والے اجناس، پھل اور سبزیوں پر انحصار کرتا تھا ان تمام افراد کے پیشاب کے معائنہ کیا گیا توان کے جسم میں  پودوں کی نشوونما کے لئے مختلف کیمیکلزاور کیڑے مار ادویات کے زہریلے مرکبات کی موجود گی کا پتا چلا۔

پھر اسی خاندان کو نامیاتی یعنی آرگینک کھاد سے اگائے جانے والی غذا کا استعمال کروایا گیا تو صرف دو ہفتوں بعد ہی ان کے جسم سے ان تمام زہریلے کیمیکلزکا خاتمہ ہوگیا۔

اس تحقیق کے نتائج اس جانب اشارہ کرتے ہیں کہ کھیتوں اور باغوں میں مصنوعی کھاد اور حشرات کش اسپرے کا استعمال غذا کو زہر آلود  بناکر انسانوں میں کئی بیماریوں کا سبب بن رہا ہے۔ تو کوشش کی جائے کہ اس طرح کے اسپرے کے بجائے اجناس، پھلوں اور سبزیوں کو قدرتی طریقہ سے کیڑوں سے محفوظ رکھا جائے۔