ماہرین کی جانب سے ہمیشہ اس بات کی تاکید کی جاتی رہی ہے کہ صحت مند رہنے کے لیے متوان غذا کے ساتھ ورزش کرنا نہایت ضروری ہے۔ تاہم اب ایک مطالعہ میں کہا گیا ہے کہ روزمرہ انجام دی جانے والے معمولی نوعیت کی سرگرمیاں بھی اس ضمن میں اہم کردار ادا کرتی ہیں۔

حال ہی کی جانے والی ایک تحقیق کے مطابق روزانہ مختصرسی سرگرمی جلد موت کے خطرے کو کم کرتی ہے۔

یہ بات تو سب ہی جانتے ہیں کہ باقاعدگی سے ورزش کرنا آپ کوصحت  مند رکھنے کے ساتھ درازی عمر کا باعث بنتی ہے لیکن اس مصروف زندگی میں روزانہ ورزش کے لیے وقت نکالنا اور جم جانا ہر ایک کے لیے ممکن نہیں رہا۔

تاہم ایک تازہ ترین مطالعہ کے اعداد و شماراس جانب اشارہ کرتے ہیں کہ صحت مند رہنے کو جو فوائد طویل ورزش سےحاصل ہوتے تھے اب اس کے لیے دیرتک ورزش کرنے کی ضرورت نہیں ہے۔ بلکہ دن بھر میں 3 سے 4 منٹ کی بھرپورمختصرترین جسمانی سرگرمیاں بھی اس ضمن میں اسی طرح کی افادیت رکھتی ہیں، اور قبل از وقت موت کے خطرے کو کم کرتی ہیں۔

یہ جاننے کے لیے کہ روزمرہ کی معمولی سرگرمیاں بھی ورزش کے طرح افادیت رکھتی سائنسدانوں نے ایک تحیقیق کی۔ اس مقصد کے لیے انہوں یو کے بائیوبینک سے 25,241 شرکاء کو شامل کیا ان میں 56 فیصد خواتین تھی اور جن کی اوسط عمر 62 برس تھی۔

اس تحقیق میں شامل تمام شرکاء کا کہنا تھا کہ انہوں نے اپنی گزشتہ زندگی میں تفریح کی غرض سے جسمانی سرگرمی یا تفریحی چہل قدمی ہفتے میں ایک بار سے زیادہ نہیں کی۔ ماہرین نے تمام شرکاء کی جسمانی سرگرمیوں کو درست انداز میں نوٹ کرنے لیے فٹنس ٹریکرز جو سمارٹ واچز کی طرح دکھائی دیتے تھے ایک ہفتے کے لیے کلائی پر پہننے کے لیے پیش کئے۔

 اس طرح محققین کو شرکاء کی دن بھر کی سرگرمیوں کو درستگی سے نگرانی کرنے کا موقع ملا۔

اس کے بعد محققین نے مطالعہ کے آغاز میں جمع کیے گئے ڈیٹا کو تقریباً سات سال بعد کے اوسطاً شرکاء کے طبی ریکارڈ کے ساتھ تجزیہ کیا۔ ساتھ ہی ایسے عوامل جو اس تحقیق پر اثر انداز ہوسکتے تھے کنٹرول کرنے می محتاط رویہ اختیار کیا جیسے کہ غذا اور تمباکو نوشی۔

حیرت انگیز طور پر، کسی بھی شرکاء نے سخت یا  طویل دورانئے کی  ورزش کرنے کی اطلاع نہیں دی تھی، تاہم تقریباً 89 فیصد نے ٹریکر جو انہیں پہننے کے لیے دیئے گئے تھے ان پر وقفے وقفے سے  جسمانی سرگرمی کو ریکارڈ کیا تھا۔

 ایسی جسمانی سرگرمیاں جو عموماً پر ایک منٹ سے بھی کم وقت تک جاری رہتی ہیں، اور عام طور پر روزمرہ کی زندگی کا حصہ ہوتی ہے۔ جیسے بچوں اور پالتو جانوروں کے ساتھ کھیلنا، خریداری کرنا، تیزی سے اوپر چڑھنا، یا ٹرین پکڑنے کے لیے دوڑنا شامل ہیں یہی جسمانی سرگرمیاں طویل دورانئے کی ورزش کی طرح افادیت رکھتی ہیں۔

اوسطاً، شرکاء نے روزانہ آٹھ مختصر سرگرمیاں ریکارڈ کیں، جن کی کل تعداد ساڑھے چار منٹ سے بھی کم تھی۔

اس تحقیق سے یہ عندیہ ملتا ہے کہ روزانہ صرف تین سے چار مختصر سرگرمیاں کسی بھی وجہ سے قبل از وقت موت کے ساتھ ساتھ کینسر سے ہونے والی اموات کو 40 فیصد جبکہ دل کی بیماری سے ہونے والی اموات کے خطرے کو بھی 49 فیصد کم کردیتی ہے۔

یہ نتائج حیران کن ہیں خاص کر مختصر وقت میں وقفے وقفے سے شدید جسمانی سرگرمی قلبی صحت کو بہتر بنا سکتی ہیں، جو لمبی عمر کے لیے اہم ترین ہے۔