آج ہم آپکو پیاز کھانے کے حیرت انگیز فوائد بتائیں گے۔
پیاز ایک ایسی سبزی ہے جس کے بغیر شاید ہی پکوان تیار کیا جاتا ہو، یہ کھانوں کا ذائقہ ہی نہیں بڑھاتی ہے بلکہ اس کے اندر کئی ایسے اجزاء پائے جاتے جو بہت سے امراض کے علاج میں بھی مدد فراہم کرتے ہیں۔
یہی وجہ ہے کہ پیاز تقریباً ہر گھر میں روزانہ استعمال کی جاتی ہے۔
آئیے اس کے فوائد جانتے ہیں۔
ذیابیطس اور کینسر سے بچاؤ
ایک تحقیق کے مطابق یہ اینٹی آکسیڈینٹ سے بھرپور ہونے کے ساتھ ذیابیطس اور کینسر جیسی بیماریوں کے خلاف قوت مدافعت بڑھاتی ہے۔
مچھر کے وار سے بچائے
مچھر کے ستائے ہوئے اگر پیاز کا عرق اپنے جسم پر لگالیں تو مچھر ان کے قریب بھی نہیں آئیں گے جبکہ جسم پر اگر کیڑے مکوڑے کاٹ لیں تو متاثرہ جگہ پر پیاز رگڑ لیں درد جاتا رہے گا۔
گلے کے درد سے نجات
گلے کی خرابی میں پیاز کو پانی میں ابال کر پی لیں گلے کی خرابی سے نجات مل جائے گی اس کے علاوہ اگر کبھی جلد پر کانٹا وغیرہ چبھ کر اندر کی جانب پیوست ہوجائے تو اس پر تقریباً ایک گھنٹے کے لئے پیاز باندھ دیں کانٹا نکل آئے گا۔
چیزوں کو چمکانے کے لئے پیاز کا استعمال
دھاتی چیزوں کو چمکانے کے لئے پیاز کو باریک پیس کر پانی میں ملا کر سطح پر رگڑیں یہ چمکنے لگے گی جبکہ اکثر پینٹ کی بو آسانی سے نہیں جاتی اس کے لئے بھی اسی آمیزے کو متاثرہ چیز پر لگائیں بو ختم ہو جائے گی۔
گرمی سے بچائے
پیاز کچی بھی کھائی جاتی ہے دیگر سبزیوں کے ساتھ سلاد کی شکل میں ایک خوش ذائقہ اور صحت مند غذا ہے لیکن یہ لذت کام و دہن کے ساتھ گرمی کے مضر اثرات سے بچانے کیلئے بھی بے حد مفید ہے۔
بزرگ گرمی سے بچنے کیلئے گھر سے باہر نکلتے وقت ہمیشہ پیاز ساتھ رکھنے کا مشورہ دیتے رہے ہیں دراصل پیاز میں گرمی جذب کرنے کی زبردست صلاحیت ہوتی ہے۔
یہی وجہ ہے کہ دھوپ میں نکلتے وقت جب پیاز پاس ہوتی ہے جسم کو نقصان پہنچانے سے پہلے باہر سے آنے والی گرمی کو روک لیتی ہے۔
پیاز میں آئرن، اینٹی آکسیڈنٹس، ضروری وٹامنز اور بہت کچھ ہوتا ہے، یہ فولیٹ سمیت وٹامن سی اور بی سے بھی بھرپور ہے۔
موسمِ گرما میں جسم کو ٹھنڈا رکھنے کے لیے پیاز اپنے ہمراہ لازمی ساتھ رکھیں تاکہ ممکنہ ہیٹ اسٹروک سے بچ سکیں۔
پیاز میں غیر مستحکم مادے ہوتے ہیں جو جسم کے درجہ حرارت کو متوازن رکھنے میں مدد دیتے ہیں۔
تو پیاز کو صرف ساتھ ہی نہیں رکھیں بلکہ ساتھ رکھنے کے ساتھ اپنی خوراک کا لازمی حصہ بنالیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News