چہرہ اور ہاتھ خوبصورت اور بے داغ ہوتو شخصیت کو مزید متاثرکن بناتے ہیں، اور یہ خوبصورتی حاصل کرنے کے لیے کسی محنت طلب کام کرنے کی ضرورت نہیں ہے اس کے لیے آپ کو چاہئے بس ایک انڈا۔
انڈے میں ایسے اجزاء پائے جاتے ہیں جو جلد کی نشوونما میں مددفراہم کرتے ہیں۔ یہ بات تو سب ہی جانتے ہیں کہ انڈا دوحصوں پر مشتمل ہوتا ہے ایک زردی اور دوسری سفیدی، پہلے بات کر لی جائے زردی کی تو زردی میں کئی اہم اجزاء موجود ہوتے ہیں جو جلد کو ضروری غذائیت فراہم کر کے اسے صحت مند اور جواں رکھتے ہیں۔
یہ بھی پڑھیں: چہرہ کی رنگت ایک ٹون میں نہ ہونے کہ وجہ اور علاج
جبکہ سفیدی پروٹین سے بھرپور ہوتی ہے یہ عمرسیدہ جلد کو ٹائٹ کرنے کی صلاحیت رکھتی ہے یہ جلد کے کھلے مسامات کو کم کرنے میں بھی مدفراہم کرتی ہے۔ جبکہ اس کا ماسک جلد کو ایک نئی چمک اور دلکشی فراہم کرتا ہے۔یہاں پر صرف ایک انڈے کا استعمال کرتے ہوئے آپ اپنے ہاتھوں اور چہروں کو کیسے خوبصورت بنا سکتے ہیں جانتے ہیں۔
سب سے پہلے انڈے کی سفیدی اور زردی کو الگ کر لیں اب زردی کو اچھی طرح پھینٹ کر اس میں ایک چمچ شہد اور ایک چمچ زیتون کا تیل ملاکر ان کو ہاتھوں میں لگا کر خشک ہونے پر پانی سے دھولیں، ہاتھ چمکنے لگیں گے۔
سفیدی جلد کوٹائٹ کرتی ہے اسی لیے ڈھیلی جلد کو ٹائٹ کرنے کے لیے اسے اچھی پھینٹنے کے بعد اس میں ایک چمچ ملک پاؤڈر ڈال کر اچھی طرح مکس کریں اب اسے دن کے وقت چہرے پر لگائیں ایک دفعہ لگانے کے بعد ایک بار اور لگائیں اور خشک ہونے پر دھولیں۔
اب ایک اسکرب بنانے کے لیے ایک کھانے کا چمچ دہی اور ایک کھانے کا چمچ کافی ان دونوں کو ملا کر اچھی طرح مکس کریں چہرے پر لگا کر دائروں کی صورت میں مساج کریں اور پھر دھولیں۔
ملتانی مٹی ایک کھانے کا چمچ ایک چائے کا چمچ ٹماٹر کا رس، ایک چوتھائی چمچ گھی اور ایک چوتھائی چمچ شہد شامل کر کے اچھی طرح مکس کریں گے اب اسے چہرے پر لگائیں۔
یہ آسان سی تراکیب آپ کی جلد کے کئی مسائل کو حل کر کے ایک نئی چمک فراہم کرے گی ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News