دنیا میں ایسے افراد کی کمی نہیں ہے جو ہروقت کچھ نہ کچھ سوچتے رہتے ہیں اور اس اوور تھینکنگ کے نتیجے دماغی صحت متاثر ہونے لگتی ہے۔  ان میں اکثریت دن کے اختتام پر دن بھر ہونے والے  معاملات کے بارے میں سو چتے ہیں، اور جو کام نہیں ہو پائیں انہیں سوچ کر پریشان ہیں۔

ضرورت سے زیادہ سوچنا آپ کو اس مقام پر لے جاتا ہے جہاں آپ اپنے خیالات کو نہیں روک سکتے۔ اس کی وجہ یہ ہوتی ہے کہ آپ ان چیزوں کے حل یا معنی تلاش کرنے کی شدت سے کوشش کر تےہیں جو اتنی اہم بھی نہیں ہوتی۔ لیکن اس طرح زیادہ سوچنے کو کیسے روکا جائے۔ اس کے لیے سب سے پہلے یہ جاننا ضروری ہے کہ آپ سب سے زیادہ کس کے بارے میں سوچتے ہیں۔

ماضی کے بارے میں غور و فکر کرنا

آپ اپنے آپ کو ان سوالوں جیسے ایسا ہوسکتا تھا اور ایسا ہونا چاہئے تھا سے بے چین رکھتے ہیں اور ماضی کو جانے نہیں دیتے ہیں۔

مستقبل کے بارے میں سوچنا

ایسے افراد کبھی بھی حال میں نہیں رہتے اور یہ مسقبل کے بارے میں مضطرب رہتے ہیں۔ اور مستقبل کے بارے میں اپنے ذہن میں فرضی منظرنامے بناتے رہتے ہیں، کہ ایسا ہونا ابھی باقی ہے۔

ہمیشہ اس بارے میں فکر مند رہتے ہیں کہ لوگ آپ کے بارے میں کیا سوچتے ہیں۔

حد سے زیادہ سوچ سے نجات کیسے حاصل کی جائے؟

ماہرین کا کہنا ہے کہ زیادہ سوچنا ایک منفی عمل ہے لہذا اس سے بچنے کے لیے حال پر نظر رکھیں اس میں اپنے آپ کو مصورف رکھے، جو وقت گزر گیا اس کے بارے میں سو چنے کے بجائے حال کو بہتر بنائیں تاکہ مستقبل میں اس کا ثمر پا سکیں۔

روز مرہ ہونے والے واقعات کے بارے سوچنے اور پریشان رہنے سے پہلے اپنے آپ سے سوال کریں کہ کیا ان کے بارے میں اتنا سوچنا درست ہے جو کام ہوگیا اس پر شکر ادا کریں اور جو نہیں ہوا اس پر زیادہ دھیان نہ دیں وہ بھی وقت آنے پر ہو جائے گا۔

ایک بہترین طریقہ یہ ہے کہ جیسے ہی آپ کو خیال آئے اسے سوچنے بجائے مثبت خیال یا لوگوں سے رابطہ کریں اس طرح سوچ کا زاویہ تبدیل ہوجائے گا اور بار بار دہرانے سے زیادہ سوچنے سے نجات مل جائے گی۔